استانا قالاسى اكىمدىگىنىڭ ورتالىقتاندىرىلعان كىتاپحانالار جۇيەسىنىڭ 50 جىلدىعىنا وراي جانە استانا كۇنىن مەرەكەلەۋ اياسىندا قالامگەرلەر اللەياسىندا 5 شىلدە كۇنى ساعات 11:00-دە «استانا – ءبىزدىڭ رۋحاني وردامىز!» اتتى «KITAPHANA FEST» – 2024 اۋقىمدى كىتاپ فەستيۆالى وتەدى, دەپ حابارلايدى astana-akshamy.kz
«KITAPHANA FEST» كىتاپ فەستيۆالى – 2019 جىلدان بەرى وتكىزىلىپ جاتقان قالالىق اۋقىمداعى تۇڭعىش كىتاپ فەستيۆالى. بۇگىنگى تاڭدا فەستيۆال اياسىندا بەلگىلى قازاقستاندىق اۆتورلار مەن باسپالاردىڭ قاتىسۋىمەن 30-دان استام كىتاپتىڭ تۇساۋى كەسىلدى.
ءىس-شارانىڭ ماقساتى – مادەني ءىس-شارا ارقىلى حالىقتىڭ كىتاپ وقۋعا دەگەن قىزىعۋشىلىعىن ارتتىرۋ, كىتاپ وقۋدى كەڭىنەن ناسيحاتتاۋ, قوعامنىڭ مادەني دەڭگەيىن كوتەرۋ, بەلگىلى اقىن-جازۋشىلارمەن كەزدەسۋ ۇيىمداستىرۋ.
جىل سايىن وتكىزىلىپ كەلە جاتقان مادەني-بۇقارالىق ءىس-شارا رەتىندە تانىلعان كورمەدە كىتاپ جارمەڭكەسى ۇيىمداستىرىلىپ, بەلگىلى قازاقستاندىق اۆتورلار مەن باسپالاردىڭ قاتىسۋىمەن كىتاپتار ۇسىنىلاتىن بولادى. فەستيۆال اياسىندا بالالارعا ارنالعان ويىن-ساۋىق باعدارلامالارى مەن شەبەرلىك ساباقتارى ۇيىمداستىرىلادى. سونىمەن قاتار ءىس-شاراعا ساۋلە دوسجان, سەرىكبول حاسان, اكىم ىسقاق, دينارا وسپانوۆا سىندى جانە باسقا دا بەلگىلى اقىن-جازۋشىلار قاتىسادى. فەستيۆال اياسىندا قوناقتار وقىعان كىتاپتارىن ءالى وقىماعان كىتاپتارىنا ايىرباستاۋ مۇمكىندىگىنە يە بولادى. ەڭ كىشكەنتاي كەلۋشىلەردى تەگىن ويىن-ساۋىق باعدارلامالارى كۇتەدى.
قوسىمشا اقپارات ءۇشىن: +7 701 327 37 08, +7 701 448 79 50.
