قازاقستان ەلشىسى سەرجان ابدىكارىموۆ يندونەزيا ءسىم ازيا-تىنىق مۇحيتى جانە افريكا ىستەرى جونىندەگى باس ديرەكتورى ابدۋل كادير دجايلانيمەن كەزدەسۋ وتكىزدى. كەزدەسۋ بارىسىندا ديپلوماتتار ەكى ەل اراسىنداعى ساياسي, ساۋدا-ەكونوميكالىق جانە مادەني-گۋمانيتارلىق قاتىناستاردىڭ جاي-كۇيى مەن پەرسپەكتيۆالارىن تالقىلادى, دەپ حابارلايدى astana-akshamy.kz.
تاراپتار سىمارالىق ساياسي كونسۋلتاتسيالاردى وتكىزۋدىڭ جوسپارلارى مەن مەرزىمدەرىن, ەكونوميكالىق ىنتىماقتاستىق جونىندەگى ەكىجاقتى ۇكىمەتارالىق كوميسسيانىڭ الداعى وتىرىسىنىڭ مازمۇندى ماسەلەلەرىن, ساۋدا-ونەركاسىپ پالاتالار مەن ىسكەرلىك توپتار اراسىنداعى ءوزارا ءىس-قيمىلدىڭ ناقتى سالالارىن, سونداي-اق قازاقستان مەن يندونەزيا اراسىنداعى شارتتىق-قۇقىقتىق بازانى نىعايتۋ جولدارىن كەلىستى.
سۇحبات بارىسىندا تاراپتار كوپجاقتى بايلانىستاردى دامىتۋ ماسەلەلەرىن جانە مادەني-گۋمانيتارلىق سالادا جوسپارلانعان ءىس-شارالاردى قاراستىردى.
