حالىقارالىق ناشاقورلىققا قارسى كۇرەس كۇنىنە وراي ەلوردادا جۋرناليستەر مەن بلوگەرلەر اراسىندا «استانا – ەسىرتكىسىز قالا» تاقىرىبىندا كونكۋرس وتەدى, دەپ حابارلايدى astana-akshamy.kz.
بايقاۋ «ۇزدىك ماقالا», «ۇزدىك سيۋجەت», «ۇزدىك باعدارلاما», «الەۋمەتتىك جەلىلەردەگى ۇزدىك پوست» نوميناتسيالارى بويىنشا وتكىزىلەدى.
ەڭ جاقسى جۇمىس اقشالاي سەرتيفيكاتتارمەن ىنتالاندىرىلادى. بايقاۋ قالانىڭ ىشكى ساياسات باسقارماسىنىڭ جانە استانا پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قولداۋىمەن وتكىزىلەدى.
كونكۋرسقا قاتىسۋعا وتىنىمدەر وسى جىلدىڭ 23 ماۋسىمىنا دەيىن astana.konkurs2024@mail.ru ەلەكتروندىق پوشتاسىنا قابىلدانادى. بارلىق سۇراقتار بويىنشا وسى نومىرگە حابارلاسۋعا بولادى: 8 706 689 9094.
