16 ماۋسىم كۇنى استانادا ەڭ اۋقىمدى جارىستارىنىڭ ءبىرى Astana Half Marathon وتەدى, دەپ حابارلايدى astana-akshamy.kz
باعىت ەلوردانىڭ ەڭ كورنەكتى جەرلەرىنە باعىتتالدى. بيىل الەمنىڭ 20-دان استام ەلىنەن 6 000 سپورتشى جارىسقا شىعادى.
جارىستى 2012 جىلدان باستاپ جىل سايىن ورتالىق ازياداعى ەڭ ءىرى Almaty Marathon جۇگىرۋ ءىس-شاراسىن جانە باسقا دا بىرقاتار اۋەسقوي ستارتتاردى وتكىزەتىن «سمەلوست بىت پەرۆىم» كورپوراتيۆتىك قورى ۇيىمداستىرادى.
Astana Half Marathon قاتىسۋشىلارى EXPO اۋماعىنىڭ الدىنداعى الاڭنان باستالادى, قالانىڭ ورتالىق كوشەلەرىمەن, «بايتەرەك» مونۋمەنتىنىڭ, «حان شاتىر» ساۋدا, ويىن-ساۋىق ورتالىعىنىڭ, «تاۋەلسىزدىك سارايى» مەن بوتانيكالىق باقتىڭ جانىنان وتەدى.
ءىس-شارا AIMS حالىقارالىق ستارت جانە جۇگىرۋ قاۋىمداستىعىنا ەنگىزىلگەن جانە جارتىلاي مارافون ترەكتەرى World Athletics ستاندارتتارىنا سايكەس سەرتيفيكاتتالعان.
«2022 جىلدان باستاپ «سمەلوست بىت پەرۆىم» قورىنىڭ ءىس-شارالارىنىڭ گەوگرافياسى كەڭەيىپ, الماتى عانا ەمەس, استانا, تۇركىستاندى دا قامتىدى. ءبىز الدىمىزعا ءورشىل ماقسات قويىپ وتىرمىز: قازاقستاننىڭ بارلىق تۇكپىر-تۇكپىرىندە جۇگىرۋگە دەگەن سۇيىسپەنشىلىكتى وياتۋ, بۇل الماتىدا بولعانداي, ونى ەلىمىزدىڭ جۇگىرۋ استاناسى دەپ اتاۋعا بولادى. ءبىزدىڭ ميسسيامىز – سپورت پەن بەلسەندى ءومىر سالتىن ناسيحاتتاۋ, سونداي-اق جۇگىرۋدى بارلىق جاستاعى جانە فيزيكالىق مۇمكىندىكتەرى بار ادامدار ءۇشىن قولجەتىمدى ءارى تارتىمدى ەتۋ», – دەپ اتاپ ءوتتى «سمەلوست بىت پەرۆىم» كورپوراتيۆتىك قورىنىڭ قامقورشىلىق كەڭەسىنىڭ توراعاسى عالىمجان ەسەنوۆ.
2024 جىلى ستارتتا 4 قاشىقتىق بار: 21,1 كم (جارتىلاي مارافون), 10 كم, 10 كم (سكانديناۆيالىق سەرۋەندەۋ) جانە ەكيدەن كوماندالىق ەستافەتاسى.
ايتا كەتۋ كەرەك, Astana Half Marathon ءوزىنىڭ تەگىس جولىمەن الەمنىڭ تۇكپىر-تۇكپىرىنەن جۇگىرۋشىلەردى تارتادى, بۇل جەكە رەكوردتارعا قول جەتكىزۋ ءۇشىن تاماشا جاعداي جاسايدى.
Astana Half Marathon-دا ءوز قاشىقتىعىن جۇگىرگەن بارلىق قاتىسۋشىلار مارە سىزىعىندا مەدال الادى. بارلىق قاشىقتىقتاعى جاس ساناتتارىنداعى جۇلدەگەرلەر, سونداي-اق ءابسوليۋتتى ساناتتاعى جەڭىمپازدار سەرىكتەستەر مەن دەمەۋشىلەردىڭ باعالى جانە اقشالاي سىيلىقتارىمەن ماراپاتتالادى. قاتىسۋ ءۇشىن almaty-marathon.kz سايتىندا تىركەلۋ جانە قاتىسۋ اقىسىن تولەۋ قاجەت.
تىركەۋ 3 ماۋسىمدا نەمەسە قاتىسۋشىلاردىڭ جالپى سانىنا جەتكەندە اياقتالادى.
