بيىل 16 ماۋسىمدا Astana Half Marathon ءۇشىنشى رەت وتكىزىلەدى. بيىل الەمنىڭ 20-دان استام ەلىنەن 6 000 قاتىسۋشى سورەگە شىعاتىن بولادى. Astana Half Marathon ۇيىمداستىرۋشىلارى ەلوردا تۇرعىندارى مەن قوناقتارىن 16 ماۋسىم كۇنى جولداردا كولىك قوزعالىسى ءىشىنارا جابىلاتىنى جايلى حاباردار ەتەدى, دەپ حابارلايدى astana-akshamy.kz.
قوزعالىس كەزەڭ-كەزەڭىمەن اشىلاتىنىن جانە تاڭعى 10-عا دەيىن تولىق قالپىنا كەلەدى.
جارىس باعىتى EXPO-دان باستالىپ, قالانىڭ كورىكتى جەرلەرى ارقىلى استانانىڭ جۇرەگى – «بايتەرەك» مونۋمەنتى, «حان شاتىر» ساۋدا, ويىن-ساۋىق ورتالىعى, «تاۋەلسىزدىك» سارايى, بوتانيكالىق باق, «بەيبىتشىلىك جانە كەلىسىم» سارايى, ءابۋ-دابي پلازا جانە ۇلتتىق مۋزەي ارقىلى وتەدى.
تۇركىستان كوشەسى 28/4 كوشەسىنەن سىعاناق كوشەسىنە دەيىنگى قوزعالىس 16 ماۋسىم كۇنى ساعات 06:30-دان 07:30-عا دەيىن, سىعاناق كوشەسى تۇركىستان كوشەسىنەن ج.ناجىمەدەنوۆ كوشەسىنە دەيىنگى قوزعالىس 07:10-نان 08:35-كە دەيىن, ج.ناجىمەدەنوۆ كوشەسى ش.قالداياقوۆ كوشەسىنەن تاۋەلسىزدىك داڭعىلىنا دەيىنگى قوزعالىس 07:10-نان 08:35-كە دەيىن جابىق بولادى. تاۋەلسىزدىك داڭعىلى بويىنشا ج.ناجىمەدەنوۆ كوشەسىنەن ا.بايتۇرسىنۇلى كوشەسىنە دەيىنگى قوزعالىس 07:20-دان 08:00-گە دەيىن, تۇركىستان كوشەسى سىعاناق كوشەسىنەن قوناەۆ كوشەسىنە دەيىنگى جولدا قوزعالىس 06:35-تەن 08:45-كە دەيىن, قوناەۆ كوشەسى تۇركىستان كوشەسىنەن تۇران داڭعىلىنا دەيىنگى قوزعالىس ساعات 07:30-دان 09:00-گە دەيىن, قوناەۆ كوشەسى «حان شاتىر» سو اۋماعىنىڭ اينالاسى 07:35-تەن 09:05-كە دەيىن, دوستىق كوشەسى تۇران كوشەسىنەن اقمەشىت كوشەسىنە دەيىنگى قوزعالىس 07:45-تەن 09:15-كە دەيىن جابىلادى.
«EXPO» حكو اينالاسىندا دوستىق كوشەسىنەن تۇركىستان كوشەسىنە دەيىن اقمەشىت كوشەسى بويىنشا قوزعالىس 07:05-تەن 10:00-گە دەيىن جابىلاتىن بولادى.
دەرەكتەر جارىسقا قاتىسۋشىلاردىڭ جۇگىرىپ ءوتۋ ۋاقىتىن ەسكەرە وتىرىپ ەنگىزىلدى.
«EXPO» حكو-عا اۆتوكولىكپەن جەتۋ ءۇشىن ۇسىنىلاتىن باعىت:
1) تۇرار رىسقۇلوۆ كوشەسىمەن;
2) ماڭگىلىك ەل كوشەسى ارقىلى قوناەۆ كوشەسىنەن ءابىش كەكىلباەۆ كوشەسىنە دەيىن;
3) قابانباي باتىر داڭعىلىمەن «MEGA Silk Way» سو.
«جولداردا كەپتەلىس بولىپ كەتۋ مۇمكىندىگىنە بايلانىستى قاتىسۋشىلارعا سورە ورنىنا رىسقۇلوۆ كوشەسى مەن ماڭگىلىك ەل داڭعىلىنىڭ قيىلىسىنا دەيىن اۆتوبۋسپەن («EXPO» حكو) جەتۋ ۇسىنىلادى. جولداردىڭ جابىق بولۋىن ەسكەرە وتىرىپ, سورەگە وڭتايلى جول ءجۇرۋ باعىتىن 2GIS قوسىمشاسىندا ويلاستىرىپ الۋعا بولادى. سىزدەردىڭ نازارلارىڭىزعا سورەلىك قالاشىق («EXPO» حكو) ماڭىندا كولىكتى تۇراققا قويۋ مۇمكىن بولمايتىنىنا نازار اۋدارامىز», – دەلىنگەن حابارلامادا.
ەستەرىڭىزگە سالا كەتەيىك, 2024 جىلدىڭ 29 قىركۇيەگىندە (جەكسەنبى) الماتىدا ورتالىق ازياداعى ەڭ ءىرى جۇگىرۋ جارىسى – Almaty Marathon وتەدى. الەمنىڭ 50-دەن استام ەلىنەن كەلگەن سپورتشىلار جىل سايىن قالانىڭ ەڭ ماڭىزدى, كورىكتى جەرلەرىمەن جۇگىرەدى.
الماتىداعى مارافون – بۇل جاي عانا سپورت ەمەس, ادامدارعا كومەك كورسەتۋ. Almaty Marathon ۇيىمداستىرۋشىلارى جىل سايىن سورەلىك جارنالاردان تۇسكەن اقشانىڭ ءبىر بولىگىن مۇقتاج جاندارعا جانە سپورتتىق ينفراقۇرىلىمعا جۇمسايدى. 2024 جىلى الماتىدا مارافون 13-رەت وتەدى. ءىس-شاراعا تىركەلۋ almaty-marathon.kz سايتىندا اشىق.
سورە ۋاقىتى:
06:35 – 10 كم قاشىقتىقتىعى مەن سكانديناۆيالىق ءجۇرىس سورەسى.
07:00 – 21,1 كم قاشىقتىقتىعىنىڭ سورەسى.
ايتا كەتسەك, Astana Half Marathon باس سەرىكتەسى: Halyk Bank.
Astana Half Marathon ۇيىمداستىرۋشىلارى: «ءبىرىنشى بولۋ – باتىلدىق» كورپوراتيۆتىك قورى, «World Class Almaty» فيتنەس-كلۋبى, اكادەميك ش.ەسەنوۆ اتىنداعى عىلىمي-ءبىلىم بەرۋ قورى جانە # درۋگوي تى مۋلتيسپورتتىق Youtube-ارناسى.
