استاناداعى جەڭىل رەلستى كولىك جۇيەسىنىڭ (Astana LRT جوباسى) جەرۇستى نەگىزگى قۇرىلىس جۇمىستارى 30 تامىزدا اياقتالادى. بۇل تۋرالى China construction كومپانياسى شەتەلدىك بيزنەس دەپارتامەنتىنىڭ باس مەنەدجەرى حان يۋلون ايتتى, دەپ حابارلايدى astana-akshamy.kz.
– قازىرگى ۋاقىتتا باعانالاردى ورناتۋ جۇمىسى 90%-عا, ال بەتون ارقالىقتاردى ورناتۋ 68%-عا اياقتالدى. ايالدامالاردىڭ قۇرىلىسى 80%-عا دايىن. بەكىتىلگەن جوسپار بويىنشا, نەگىزگى قۇرلىس جۇمىستارىن 30 تامىزعا دەيىن اياقتاپ, باعانالاردىڭ اراسى تولىقتاي جالعاسادى, – دەدى حان يۋلون.
ونىڭ ايتۋىنشا, قازىرگى ۋاقىتتا ۋچاسكەدە 1605 جۇمىسشى بار.
– استانانىڭ ماۋسىمدىق ەرەكشەلىگىن ەسكەرە وتىرىپ, قۇرىلىس جۇمىستارى جاز ايلارىندا قارقىندى جۇرەدى. نەگىزگى قۇرىلىس جۇمىسى اياقتالعاننان كەيىن, جوبا كەلەسى كەزەڭگە وتەدى, – دەدى China construction باس مەنەدجەرى.
ايتا كەتەيىك, Astana LRT قۇرىلىسى 2017 جىلى مامىر ايىندا قىتاي كومپانيالارى كاسىپورىندارىنىڭ كونسورتسيۋمى كۇشىمەن باستالعان. جوسپارعا سايكەس, LRT جەلىسى اۋەجاي مەن «نۇرلى جول» تەمىرجول ۆوكزالىن بايلانىستىرادى, ۇزىندىعى – 22,4 كم. قالا بويىنشا 18 ستانتسيا جانە 19 بىرلىك جىلجىمالى قۇرام بولادى.
