استانا پوليتسەيلەرى سينتەتيكالىق ەسىرتكى تاسۋشىلاردىڭ جولىن كەستى, دەپ حابارلايدى astana-akshamy.kz
“قاراسورا” جەدەل-پروفيلاكتيكالىق ءىس-شاراسى بارىسىندا ەلوردالىق پوليتسيا قىزمەتكەرلەرى استانا قالاسى بويىنشا ۇقكد قىزمەتكەرلەرىمەن بىرلەسىپ, استانا – پاۆلودار تاس جولىنداعى باقىلاپ-وتكىزۋ پۋنكتىندە 23 جاستاعى جولاۋشىسىمەن 37 جاستاعى ازامات باسقارعان Chevrolet Cobalt اۆتوكولىگىن توقتاتقان.
كولىك سالونىن ءتىنتۋ كەزىندە جولاۋشىلار وتىرعىشىنىڭ استىنان ارنايى ءيىسى بار ءتۇيىر كونسيستەنتسيالى اشىق ءتۇستى زاتى بار ەكى پلاستيك پاكەت, پىشاق جانە 2 تەلەفون تابىلعان. ساراپشىنىڭ قورىتىندىسىنا سايكەس, زات سالماعى شامامەن 2 كەلى بولاتىن “الفا – PVP” ەسىرتكى زاتى بولىپ شىقتى. انىقتاي كەلگەندە, ولاردىڭ پاۆلودارعا تىيىم سالىنعان زاتتاردى تاسىمالداپ جۇرگەنى جانە ەسىرتكى زاتتاردى تاراتاتىن ينتەرنەت-دۇكەندەردىڭ كۋرەرلەرى ەكەنى انىقتالدى.
وسى فاكتى بويىنشا اسا ءىرى كولەمدە ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ فاكتىسى بويىنشا قىلمىستىق ءىس قوزعالدى. ۇستالعاندار استانا قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.
