استانا پوليتسياسى قىزمەت وتكەرۋدىڭ كۇشەيتىلگەن نۇسقاسىنا كوشتى, دەپ حابارلايدى astana-akshamy.kz
قوعامدىق ءتارتىپ پەن قاۋىپسىزدىكتى قامتاماسىز ەتۋ, سونداي-اق, استانادا شانحاي ىنتىماقتاستىق ۇيىمىنىڭ ءسامميتىن وتكىزۋ كەزەڭىندە قۇقىق بۇزۋشىلىقتاردىڭ الدىن-الۋ جانە جولىن كەسۋ ماقساتىندا پوليتسيانىڭ جەكە قۇرامى قىزمەت وتكەرۋدىڭ كۇشەيتىلگەن نۇسقاسىنا اۋىستىرىلدى.
كوشەلەردە جانە مادەني-بۇقارالىق ءىس-شارالار وتكىزىلەتىن ورىنداردا قوسىمشا قاۋىپسىزدىك شارالارى قابىلداندى.
جاساقتار سانى ۇلعايتىلدى, بەينەباقىلاۋ كامەرالارىن پايدالانۋ ارقىلى ۆيزۋالدى باقىلاۋ كۇشەيتىلدى.
قالاعا كىرە بەرىستە «رۋبەج» پوليتسياسىنىڭ ستاتسيونارلىق بەكەتتەرى جۇمىس ىستەيدى, وندا قۇجاتتار جانە اۆتوموبيلدەر تىيىم سالىنعان زاتتاردىڭ بار-جوعىنا تەكسەرىلەدى.
اۆتوجولداردا قاۋىپسىزدىكتى قامتاماسىز ەتۋگە ەرەكشە نازار اۋدارىلادى. دەلەگاتسيالاردىڭ ارنايى كولوننالارى ءوتۋ كەزىندە ەلوردانىڭ سول جاق جاعالاۋىنداعى ماگيسترالدىق كوشەلەردەگى قوزعالىس ۋاقىتشا شەكتەلەتىن بولادى.
سونىمەن قاتار, ازاماتتاردىڭ قالاعا كىرۋى مەن شىعۋى بويىنشا قانداي دا ءبىر شەكتەۋلەر قاراستىرىلماعان.
استانا پوليتسيا دەپارتامەنتى ەلوردا تۇرعىندارى مەن قوناقتارىن قوعامدىق ءتارتىپتى ساقتاۋعا, قاۋىپسىزدىكتى قامتاماسىز ەتۋ بويىنشا قابىلداناتىن شارالارعا تۇسىنىستىك تانىتۋعا شاقىرادى.
