ەلورداداعى ترياتلون پاركىندە بيىلعى جىلدىڭ ەڭ كوپتەن كۇتكەن جارىسى – «ASTANA TRIATHLON» سپورتتىق ءىس-شاراسى ءوتتى, دەپ حابارلايدى astana-akshamy.kz
جارىسقا 200-گە جۋىق اۋەسقوي سپورتشى قاتىسى. ولاردىڭ قاتارىندا داستان ورداباي, ءامىر الپامىس جانە ازامات ءاشىرباي سىندى ەلوردالىق ءاۋتيزمى بار سپورتشىلار العاش رەت بوي كورسەتتى.
ۇيىمداستىرۋشىلاردىڭ پىكىرىنشە, استاناداعى جارىسقا تەك قالا تۇرعىندارى عانا ەمەس, قازاقستاننىڭ تۇكپىر-تۇكپىرىنەن ارنايى كەلەتىندەردىڭ قاتارى كوپ.
«بۇل جارىس بيىلعى كوپتەن كۇتكەن ءىس-شارا دەسەم دە بولادى. بۇل جارىسقا تەك ەلوردالىق تۇرعىندار عانا ەمەس پاۆلودار, قاراعاندى, كوكشەتاۋ سىندى قالالاردان كەلگەن اۋەسقوي سپورتشىلار دا قاتىسۋدا. سونداي-اق ورتالىق ازيا بويىنشا العاش رەت ءبىزدىڭ قازاقستاندىق پارا سپورتشىلار قاتىسىپ وتىر. ولار ءۇشىن بۇل جارىسقا قاتىسۋدىڭ ءوزى جەڭىسپەن پارا-پار. وسىنداي ەرەكشە قاجەتتىلىكتەرى بار سپورتشىلارىمىزعا قاراپ, ەلوردادا پارا سپورتىمىز سوڭعى جىلدارى جاقسى دامىپ كەلە جاتقانىڭ اڭعارۋعا بولادى» – دەدى استانا قالاسى دەنە شىنىقتىرۋ جانە سپورت باسقارماسى باسشىسىنىڭ ورىنباسارى يسلامبەك بايمانوۆ.
جارىس بارىسىندا قاتىسۋشىلار 3 سپورت تۇرىنەن ەكى قاشىقتىقتا ياعني, سپرينت جانە وليمپيادالىق قاشىقتىق بويىنشا سىنعا ءتۇستى.
جارىس سوڭىندا ءار جاس توبىنداعى ترياتلون جەڭىمپازدارى ديپلومدارمەن, مەدالدارمەن ماراپاتتالدى.
