Astana Qazaqstan Team كومانداسىنىڭ وكىلى حارولد تەحادا كولۋمبيا-2024 تۋرىنىڭ ەكىنشى كەزەڭىن جەڭىپ الدى. پايپا جانە سانتا-روزا-دە-ۆيتەربو ەلدى مەكەندەرى اراسىندا 168,6 كم-گە سوزىلعان بۇل ارالىقتى ول 4 ساعات 2 مينۋتتا ءجۇرىپ وتكەن, دەپ حابارلايدى astana-akshamy.kz tourcolombiauci.com سايتىنا سىلتەمە جاساپ.
وسىلايشا, ۆەلوشاباندوز ءوز كومانداسىنا ماۋسىمنىڭ العاشقى جەڭىسىن اپەردى. 26 جاستاعى كولۋمبيالىق سپورتشى مارە سىزىعىن التى باسەكەلەسىنەن بۇرىن كەسىپ ءوتتى. حارولد تەدجادا جارىس جولىنىڭ سپريتنەرلىك تۇسىندا يتالياندىق اندرەا پيككولو مەن وسكار سەۆيليانى (يسپانيا) ارتتا قالدىرىپ كەتتى. بۇل جەڭىس Astana Qazaqstan Team وكىلىنە 7:13:35 ۋاقىت كورسەتكىشىمەن نەگىزگى ساراپتا «كولۋمبيا تۋرىن» باستاپ شىعۋعا مۇمكىندىك بەرىپ وتىر.
ەندى بۇل جارىستاعى ءۇشىنشى كەزەڭ بۇگىن 8 اقپانعا قاراعان ءتۇنى وتەدى, وندا ۆەلوشاباندوزدار 141,9 شاقىرىمدىق جولدى كۇتەدى. وعان ءۇش ارنايى سپرينت كىرەدى جانە بۇل قاشىقتىقتا جىكتەلگەن تاۋ جۇلدەلەرى جوق. كوماندا نامىسىن تەحادا مەن كاۆەنديشتەن بولەك الەكسەي لۋتسەنكو, حارولد مارتين لوپەس گرانيزو (ەكۆادور), كەس بول (نيدەرلاندى) جانە ميحاەل مەركوۆ (دانيا) قورعايدى.
فوتو https://tourcolombiauci.com/
