Astana Qazaqstan Team ۆەلوكومانداسى ساپىندا ونەر كورسەتەتىن بريتانيالىق ۆەلوشاباندوز مارك كاۆەنديش بەدەلدى «تۋر دە فرانس» كوپكۇندىگىندە ەرەكشە جەتىستىككە قول جەتكىزدى, دەپ حابارلايدى astana-akshamy.kz
مارك كاۆەنديش بەسىنشى كەزەڭنىڭ جەڭىمپازى اتاندى. ول 177,4 شاقىرىم قاشىقتىقتى 4 ساعات 8 مينۋت 46 سەكۋندتا ارتتا قالدىردى.
بۇل جەڭىس بريتانيالىق ءۇشىن كوپكۇندىك كەزەڭدەرىندە جەتكەن 35-جەڭىسى.
وسىلايشا Astana Qazaqstan Team ۆەلوكومانداسىنىڭ شاباندوزى اتى اڭىزعا اينالعان بەلگيالىق ەددي مەركستىڭ رەكوردىن جاڭارتتى. وسىعان دەيىن ەكەۋىنىڭ گراند-تۋر كەزەڭدەرىندەگى جەڭىس سانى 34-كە تەڭ بولعان. بۇل جەڭىسى مارك كاۆەنديشتىڭ العا شىعۋىنا جول اشتى.
سونداي-اق بۇل كەزەڭدە Alpecin-Deceuninck ۆەلوكومانداسىنىڭ بەلگيالىق شاباندوزى ياسپەر فيليپسەن مارەگە ەكىنشى بولىپ كەلسە, Uno-X Mobility كومانداسىنىڭ نورۆەگيالىق شاباندوزى الەكساندر كريستوفف ۇشتىكتى تۇيىندەدى.
جالپى ەسەپتەگى كوشباسشىلىقتى UAE Team Emirate كومانداسى اتىنان ونەر كورسەتەتىن سلوۆەنيالىق تادەي پوگاچار ساقتاپ قالدى. ەكىنشى ورىنعا Soudal Quick-Step كومانداسىنىڭ نيدەرلاندىق رەمكو ەۆەنەپۋل جايعاسسا, ءۇشىنشى ورىندى Team Visma كومانداسىنىڭ دانيالىق شاباندوزى دجوناس ۆينگەگور يەمدەندى.
ايتا كەتەيىك, مارك كاۆەنديش 39 جاستا. ول «تۋر دە فرانس» كوپكۇندىگىنىڭ ەكى دۇركىن جەڭىمپازى (2011, 2021). سونداي-اق ول ءوزىنىڭ مانسابىندا دجيرو د’ يتاليا (2013) مەن ۆۋەلتانى (2010) جەڭىپ الدى.
سۋرەت: https://velodaily.ru/
