قابانباي باتىر داڭعىلىنداعى حۋسەين بەن تالال كوشەسىنەن «استانا جۇلدىزى» اينالما جولىنا دەيىنگى ۋچاسكە ءىشىنارا جابىلادى, دەپ حابارلايدى astana-akshamy.kz
استانا قالاسى كولىك جانە جول-كولىك ينفراقۇرىلىمىن دامىتۋ باسقارماسى قابانباي باتىر داڭعىلى بويىنداعى وسى تەلىمدە جول توسەمىن ورتاشا جوندەۋ جۇمىستارىن جۇرگىزەتىنىن مالىمدەدى.
وسىعان بايلانىستى, وسى جىلدىڭ 5 ماۋسىمى ساعات 21:00-دەن باستاپ 6 ماۋسىمى ساعات 21:00-گە دەيىن جوعارىدا اتالعان ۋچاسكە ءىشىنارا جابىلادى. بۇل رەتتە قوزعالىس ەكى باعىتتا دا تاراپتاردىڭ ءبىرى بويىنشا جۇزەگە اسىرىلاتىن بولادى.
سونىمەن قاتار وسى جىلدىڭ 6 ماۋسىمى ساعات 21:00-دەن باستاپ 9 ماۋسىم ساعات 6:00-گە دەيىن جوعارىدا اتالعان ۋچاسكە تولىق جابىلادى.
استانا تۇرعىندارى مەن قوناقتارىنان قالا جولدارىنداعى كەپتەلىستەردى بولدىرماۋ ماقساتىندا ءوز مارشرۋتتارىن الدىن الا جوسپارلاۋدى جول-قۇرىلىس جۇمىستارى جۇرگىزىلۋىنە تۇسىنىستىكپەن قاراۋدى سۇرايدى.
