«ASTANA» اكك» اق شاعىن جانە ورتا بيزنەستى دامىتۋ دەپارتامەنتىنىڭ ديرەكتورى دميتري اۆاكيانتس وكق بريفينگىندە بيىل ەلوردادا قانداي جوبالار جۇزەگە اسىرىلىپ جاتقانىن ايتتى, دەپ حابارلايدى astana-akshamy.kz
ونىڭ ايتۋىنشا, اكك بيىل ينۆەستيتسيالاردىڭ جالپى سوماسى 1 ترلن تەڭگە بولاتىن 200-گە جۋىق جوبانى ىسكە اسىرۋدا. جوبالارعا تۇرعىن ءۇي, سپورتتىق, ءبىلىم بەرۋ, مەديتسينالىق نىساندار, سونداي-اق وندىرىستىك, ساۋدا, اكىمشىلىك عيماراتتار سالۋ كىرەدى.
«اكك شاعىن جانە ورتا بيزنەستى دامىتۋعا ناقتى كومەك رەتىندە جوبا قۇنىنىڭ 70% مولشەرىندە ونەركاسىپتى دامىتۋ قورىن قوسا قارجىلاندىرۋدى تارتا وتىرىپ, شاعىن ونەركاسىپتىك ايماقتاردى سالۋ جونىندەگى جوبا ىسكە اسىرىلۋدا. بىرلەسىپ قارجىلاندىرۋدىڭ جالپى سوماسى 3,5 ملرد تەڭگەنى قۇرايدى. وسى باعدارلاما بويىنشا سالىنعان جەڭىلدىكتى جالداۋ اقىسى بويىنشا وندىرىستىك الاڭدار شاعىن جانە ورتا بيزنەس سۋبەكتىلەرىنە بەرىلەتىن بولادى», – دەدى دميتري اۆاكيانتس.
سونداي-اق اكك استانا قالاسىنىڭ اپاتتىق جاعدايداعى تۇرعىن ۇيلەرىن جاڭعىرتۋ باعدارلاماسىنا قاتىسادى. وسى باعدارلاما شەڭبەرىندە اكك بۇزىلاتىن تۇرعىن ۇيلەردىڭ ورنىنا تۇرعىندارعا قولدا بار پاتەرلەردى ۇسىنادى.
«بۇزىلاتىن ۇيلەردىڭ ورنىندا جاڭا كوپپاتەرلى تۇرعىن ۇيلەردىڭ قۇرىلىسى سالىنادى دەپ بولجانۋدا, ال ەگەر قولدانىستاعى قۇرىلىستىڭ تىعىزدىعى مۇمكىندىك بەرمەسە, وندا ساۋدا نەمەسە بيزنەس ورتالىقتارى سالىنادى. بۇل باعدارلامانى ىسكە اسىرۋ ەلوردانىڭ كەلبەتىن وزگەرتۋگە, ەسكى قۇرىلىستاردان ارىلۋعا, ازاماتتاردىڭ تۇرعىن ءۇي جاعدايلارىن جاقسارتۋعا, قالانىڭ ەسكى اۋداندارىن جانداندىرۋعا كومەكتەسەدى», – دەپ اتاپ ءوتتى ول.
سونىمەن قاتار اكك جەكە ينۆەستورلارمەن بىرلەسىپ ەلوردادا ەلەكتروموبيلدەر ءۇشىن ينفراقۇرىلىمدى دامىتۋ بويىنشا جوبالاردى ىسكە اسىرۋدا.
«2024 جىل ىشىندە ەلوردادا 80-نەن استام ەلەكتر زاريادتاۋ ستانتسياسىن ورنالاستىرۋدا 4 ينۆەستوردان ۇسىنىس ءتۇستى. ەلەكترمەن زاريادتاۋ ستانتسيالارىن قىزمەت كورسەتۋ نىساندارىمەن, سونىڭ ىشىندە قوعامدىق تاماقتانۋ نىساندارىمەن, ۆەندينگتىك اپپاراتتارمەن, كۇتۋ ايماقتارىمەن, سانيتارلىق ءۇي-جايلارمەن جانە باسقا دا ىلەسپە سەرۆيستەرمەن قالانىڭ ەڭ كوپ باراتىن جەرلەرىنە ورناتۋ جوسپارلانۋدا», – دەپ تولىقتىردى اۆاكيانتس.
بارلىق جوبالار زاماناۋي جابدىقتاردى, سونىڭ ىشىندە وتاندىق وندىرۋشىلەر شىعارعان, ەلەكتروموبيلدەردى جىلدام زاريادتاۋدى, ءموبيلدى قوسىمشالار ارقىلى تۇتىنۋشىلارعا بايلانىسسىز قىزمەت كورسەتۋدى قامتاماسىز ەتەتىن, حالىق ءجيى قولداناتىن تولەم ادىستەرىن قولدانا وتىرىپ ورنالاستىرۋدى ۇسىنادى.
