ەلوردانىڭ «جانۇيا» وتباسى ينستيتۋتىن قولداۋ ورتالىعىندا قازاقستاندا ماۋسىمنىڭ ءۇشىنشى جەكسەنبىسىندە اتاپ وتىلەتىن اكەلەر كۇنىنە وراي «اكە شاڭىراقتىڭ تىرەگى» اتتى مەرەكەلىك ءىس-شارا ۇيىمداستىرىلدى, دەپ حابارلايدى astana-akshamy.kz.
ءىس-شاراعا ورتالىقتىڭ سۇيەمەلدەۋىندەگى جانە ەرەكشە قاجەتتىلىگى بار بالالاردى تاربيەلەپ وتىرعان, الەۋمەتتىك از قامتىلعان وتباسىلاردان جانە حالىقتىڭ الەۋمەتتىك وسال توپتارىنان اكەلەر شاقىرىلدى.
ءىس-شارانىڭ ماقساتى – اكەنىڭ وتباسىنداعى جانە قوعامداعى ءرولىن ارتتىرۋ, سونداي-اق جاۋاپتى اكە بولۋ ماسەلەسىنە جۇرتشىلىقتىڭ نازارىن اۋدارۋ.
«بۇگىن ءبىز اكەلەرگە ارنالعان «اكە شاڭىراقتىڭ تىرەگى» اتتى ءىس-شارا ۇيىمداستىردىق. ارنايى سپيكەرلەردى شاقىردىق, ولار بالانىڭ ومىرىندەگى اكەنىڭ ءرولى تۋرالى جان-جاقتى مالىمەت بەردى. بۇگىنگى ءىس-شارانىڭ ارقاسىندا ءبىز جاۋاپتى اكە بولۋ ماسەلەسىنە نازار اۋدارعىمىز كەلەدى. وسىنداي كەزدەسۋلەردى ءبىزدىڭ «جانۇيا» ورتالىعى تۇراقتى نەگىزدە ۇيىمداستىرادى. ءبىز قيىن ومىرلىك جاعدايعا تاپ بولعان وتباسىلارعا كومەكتەسەمىز – ولاردى قولدايمىز جانە پسيحولوگيالىق, زاڭگەرلىك كومەك كورسەتەمىز. سونىمەن قاتار, ءبىز بارلىق مەرەكەلەرگە كوڭىل بولەمىز. بۇگىن ەلوردا تۇرعىندارىن اكەلەر كۇنىمەن قۇتتىقتاۋعا شاقىرىپ وتىرمىز», – دەدى «جانۇيا» وتباسى ينستيتۋتىن قولداۋ ورتالىعىنىڭ باق-پەن ءوزارا ءىس-قيمىل ءبولىمىنىڭ باسشىسى الديار تالاسوۆ.
شاقىرىلعان سپيكەرلەر ءىس-شارا قوناقتارىنا ءوز وقيعالارى, تاجىريبەلەرى تۋرالى ايتتى.
قاتىسۋشىلار الدىندا «سەنىم بولاشاق» رقب ەلوردالىق فيليالىنىڭ ديرەكتورى شەرحان اراپباي, «جانۇيا» وتباسى ينستيتۋتىن قولداۋ ورتالىعىنىڭ اقپاراتتىق تەحنولوگيالار ءبولىمىنىڭ باسشىسى بەرىك نۇرداۋلەتوۆ, قالالىق اكەلەر كەڭەسىنىڭ مۇشەسى جالعاس قۇسپەكوۆ ءسوز سويلەدى.
قاتىسۋشىلار بالالاردى تاربيەلەۋ, اكە بولۋدىڭ ماڭىزدىلىعى, مەكتەپكە دەيىنگى جانە مەكتەپتەگى ءبىلىم بەرۋ جانە ت.ب. تۋرالى وزدەرىن قىزىقتىرعان سۇراقتارىن قويدى.
«ماعان بۇگىنگى ءىس-شارا وتە ۇنادى. كوپتەگەن پايدالى نارسەلەردى ءبىلدىم, باسقا اكەلەرمەن تانىستىم. بالالاردى تاربيەلەۋ بويىنشا كوپتەگەن كەڭەستەر الدىم, باسقا اتا-انالاردىڭ تاجىريبەسى تۋرالى ءبىلدىم. مەنىڭ ويىمشا, اكەلەر كۇنىن تويلاۋ – بۇل كەرەمەت يدەيا, ويتكەنى اكە – وتباسىنىڭ تىرەگى», – دەپ ءبولىستى ءۇش بالانىڭ اكەسى يۋري نوۆگورودوۆ.
