استانادا «اكە تاربيەسى – عاسىرعا ازىق» فورۋمى ءوتىپ, «اكەلەر وداعىنىڭ» جۇمىسى قورىتىندىلاندى. ءىس-شاراعا قر پارلامەنتى ءماجىلىسىنىڭ دەپۋتاتتارى, قر مادەنيەت جانە اقپارات مينيسترلىگى, قر وقۋ-اعارتۋ مينيسترلىگى, ەلوردالىق ءبىلىم باسقارماسىنىڭ وكىلدەرى جانە «اكەلەر وداعىنىڭ» مۇشەلەرى قاتىستى. فورۋم قازاقستانداعى اكەلەر كۇنىنە وراي ۇيىمداستىرىلدى.
بۇگىنگى تاڭدا «اكەلەر وداعىنىڭ» 12 وڭىرلىك فيليالى بار, ال استانانىڭ ءار مەكتەپتەرىندە وداق وكىلدىكتەرى جۇمىس ىستەيدى. وداق يۋنيسەف-ءتىڭ ەرتە جاستاعى بالالارعا, دەنساۋلىققا جانە قىزداردى تاربيەلەۋدەگى اكەنىڭ رولىنە قاتىستى ءۇش جوباسىنا قاتىسادى, سونىمەن قاتار تاقىرىپتىق كىتاپتار شىعارىپ, باسپالارمەن جۇمىس ىستەيدى.
اكە ينستيتۋتىن دامىتۋ – مەملەكەتتىڭ وتباسىلىق جانە گەندەرلىك ساياساتىنىڭ باسىم مىندەتتەرىنىڭ ءبىرى. وسى جىلدىڭ كۇزىندە اكەلەردىڭ IX رەسپۋبليكالىق فورۋمى وتەدى.
2023 جىلى قازاقستاندا وتباسىلىق قۇندىلىقتاردى دارىپتەۋ ءۇشىن ەكى جاڭا مەرەكە ەنگىزىلدى.ماۋسىمنىڭ ەكىنشى جەكسەنبىسىندە – انالار كۇنى جانە ماۋسىمنىڭ ءۇشىنشى جەكسەنبىسىندە – اكەلەر كۇنى بەكىتىلدى.
