استانادا اسكەري پوليتسيا قىزمەتكەرى «سۋعا باتقانداردى قۇتقارعانى ءۇشىن» مەدالىمەن ماراپاتتالدى
بۇگىن استانادا قر توتەنشە جاعدايلار ءمينيستردىڭ بۇيرىعىنا سايكەس سۋدان ادام قۇتقارۋ كەزىندە باتىلدىق پەن وجەتتىلىك تانىتقانى ءۇشىن 01068 اسكەري ءبولىمىنىڭ اسكەري پوليتسيا قىزمەتكەرى نۇرعالي ءاسىلحان ماراپاتتالدى, دەپ حابارلايدى astana-akshamy.kz.
استانا قالاسى تجد باستىعى مارات كۇلدىكوۆ «سۋعا باتقانداردى قۇتقارعانى ءۇشىن» مەدالىمەن نۇرعالي ءاسىلحاندى ماراپاتتاپ, ادام قۇتقارۋ كەزىندەگى تانىتقان قىراعىلى مەن جەدەل ارەكەتتەرى ءۇشىن العىس ءبىلدىردى.
نۇرعالي ءاسىلحان 15 مامىردا كەشكى ۋاقىتتا «سەرۋەن» كوپىرىنىڭ جانىندا جينالعان ادامداردى بايقاپ, جاعدايدى انىقتاۋ ءۇشىن جاقىندايدى. سول ساتتە ول جاياۋ جۇرگىزشىلەر كوپىرىنەن سەكىرگەن ادامدى بايقاپ, ويلانباستان ارتىنان سۋعا سەكىرەدى. جەدەل ارەكەتتەردىڭ ناتيجەسىندە 2004 جىلى قالا تۇرعىنى جاعاعا الىپ شىعىپ, ەس-ءتۇسسىز جاتقان جىگىتكە العاشقى مەديتسينالىق كومەك كورسەتكەن. وسىلايشا تاعى ءبىر ءومىر اجالدان امان قالدى.
