قر مادەنيەت جانە اقپارات مينيسترلىگى قورعانىس مينيسترلىگىمەن بىرلەسىپ جۋرناليستەرگە, ءباسپاسوز قىزمەتتەرىنە, باق جانە قاۋىمداستىقتار بلوگىنا ارناپ اسكەري جۋرناليستيكا جانە داعدارىستىق كوممۋنيكاتسيالار بويىنشا سەمينار ۇيىمداستىردى, دەپ حابارلايدى astana-akshamy.kz.
سەميناردىڭ سپيكەرى رەتىندە قورعانىس مينيسترلىگى, ءىىم, تجم, قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ وكىلدەرى ءسوز سويلەدى.
ترەنينگتىڭ 60 قاتىسۋشىسىنا داعدارىس جاعدايىنداعى جۇمىستىڭ ەرەكشەلىكتەرى ءتۇسىندىرىلدى. تابيعي جانە تەحنوگەندىك سيپاتتاعى تج قاۋپى مەن ونىڭ تۋىنداۋى, اسكەري جانجال ماسەلەلەرى كوتەرىلدى.
سونداي-اق, توتەنشە جاعدايلار مەن سوعىس قيمىلدارى ايماعىندا جۇمىس ىستەگەن كەزدە جۋرناليستەردىڭ قاۋىپسىزدىگى مەن ءوزىن-ءوزى ۇستاۋى, تەرروريزمگە قارسى اقپاراتتىق ارەكەتتەگى باق-تىڭ ءرولى تالقىلاندى.
«مادەنيەت جانە اقپارات مينيسترلىگى حالىقتىڭ مەديا ساۋاتتىلىعىن جانە جۋرناليستەردىڭ بىلىكتىلىگىن ارتتىرۋ ماسەلەلەرىنە ەرەكشە نازار اۋدارادى. ۋنيۆەرسيتەتتەرمەن مەديا سالا ماماندىقتارىنىڭ ءبىلىم بەرۋ باعدارلامالارىن جەتىلدىرۋ بويىنشا جۇمىس جۇرگىزىلۋدە, ۇەۇ – مەن بىرلەسىپ مەديا جانە اقپاراتتىق ساۋاتتىلىق, جۋرناليستەردىڭ بىلىكتىلىگىن ارتتىرۋ, وقۋشىلاردى مەديا ساۋاتتىلىق داعدىلارىنا وقىتۋ ماسەلەلەرى بويىنشا ءىس-شارالار جۇرگىزىلۋدە. ۆەدومستۆو ارقاشان ىنتىماقتاستىق پەن جاڭا ءبىلىم بەرۋ جوبالارى ءۇشىن اشىق ەكەنىن اتاپ وتەمىن. بۇگىنگى سەمينار اياسىندا قاتىسۋشىلار تالىمگەرلەردەن قاجەتتى ءبىلىم, پايدالى تاجىريبە العانىنا سەنىمدىمىن», — دەپ اتاپ ءوتتى مادەنيەت جانە اقپارات ۆيتسە-ءمينيسترى قانات ىسقاقوۆ.
بارلىق قاتىسۋشىعا سەرتيفيكاتتار تابىستالدى.
