«قازگيدرومەتتىڭ» مالىمەتىنشە بۇگىن استانادا كۇن الابۇلتتى, جاۋىن-شاشىنسىز, بىراق اياز قاتتى بولىپ تۇر, دەپ حابارلايدى, astana-akshamy.kz.
اۋا تەمپەراتۋراسى تۇندە مينۋس 33-35-كە دەيىن تۇسكەن بولسا, كۇندىز مينۋس 27-29 اياز بولماق. جەل سولتۇستىك-باتىستان جىلدامدىعىنا 9-14 م/س بولىپ سوقپاق.
قالالىق ءبىلىم باسقارماسىنىڭ دەرەكتەرى بويىنشا: 2024 جىلعى 16 اقپان كۇنى اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 0-11 (12) سىنىپ وقۋشىلارى جانە كوللەدجدەردىڭ 1-2 كۋرستىڭ ستۋدەنتتەرى (9 سىنىپ بازاسىندا) قاشىقتان وقىتۋ فورماتىنا اۋىستىرىلادى.
«City Transportation Systems» جشس 16 اقپان تاڭعى 05:55-دەن باستاپ قالا ماڭىنا قاتىنايتىن №305, 308, 309, 310, 312, 315, 316, 317, 327, 328, 329 باعدارلاردىڭ قوزعالىسى اۋا-رايىنىڭ ناشارلاۋىنا بايلانىستى ۋاقىتشا توقتاتىلدى دەپ حابارلايدى. باسقا قالا ماڭىنا قاتىنايتىن باعدارلار لينيادا.
