حالىقارالىق ازاماتتىق قورعانىس ۇيىمى باس اسسامبلەياسىنىڭ قارارىنا سايكەس, 1 ناۋرىزدا دۇنيەجۇزىلىك ازاماتتىق قورعانىس كۇنى اتاپ وتىلەدى. بۇل كۇنى استانادا قانداي ءىس-شارالار جوسپارلانىپ وتىرعانى تۋرالى قالالىق تجد ازاماتتىق قورعانىس باسقارماسىنىڭ باستىعى ازامات قۇسايىنوۆ كوممۋنيكاتسيالار قىزمەتىندە وتكەن بريفينگتە ءمالىم ەتتى, دەپ حابارلايدى astana-akshamy.kz.
ول بيىل «ازاماتتىق قورعانىس قىزمەتىندەگى يننوۆاتسيالىق تەحنولوگيالار» ۇرانىمەن وتەدى.
«ازاماتتىق قورعانىس سوعىس كەزىندە حالىقتى قورعاۋمەن عانا ەمەس, سونىمەن بىرگە تابيعي جانە تەحنوگەندىك اپاتتار ناتيجەسىندە قاراپايىم ادامدار زارداپ شەگۋى مۇمكىن ازاماتتاردى قۇتقارۋمەن جانە باسقا دا توتەنشە جاعدايلاردىڭ الدىن الۋمەن اينالىسادى. سونداي-اق, وسى وقيعالاردىڭ سالدارىن بولدىرماۋ جانە جويۋمەن عانا ەمەس, سونداي-اق وسىنداي جاعدايدا ءوزىن قالاي ۇستاۋ كەرەكتىگى تۋرالى حالىق اراسىندا ءتۇسىندىرۋ جۇمىستارىن جۇرگىزۋمەن دە اينالىسادى», – دەيدى ازامات قۇسايىنوۆ.
ول ءسوزىن جالعاي وتىرىپ, دۇنيەجۇزىلىك ازاماتتىق قورعانىس كۇنىن دايىنداۋ جانە وتكىزۋ جونىندەگى ءىس-شارالار جوسپارى بەكىتىلگەنىن اتاپ ءوتتى. ونىڭ اياسىندا تۇتاستاي العاندا ەل بويىنشا ازاماتتىق قورعانىس ايلىعى جاريالاندى جانە ازاماتتىق قورعانىس تۋرالى ءبىلىمدى ناسيحاتتاۋعا جانە ازاماتتىق قورعاۋ قىزمەتتەرى ورىندايتىن ماڭىزدى مىندەتتەرگە قوعام نازارىن اۋدارۋعا باعىتتالعان ءىس-شارالار كەشەنى جوسپارلاندى.
«وسكەلەڭ ۇرپاققا ۇلكەن كوڭىل بولىنەدى. وقۋ ورىندارىندا اشىق جانە ينتەراكتيۆتى ساباقتار, «بارشانىڭ نازارىنا!» جەدەل-قۇتقارۋ جاساقتارىنىڭ, ءورت ءسوندىرۋ بولىمدەرىنىڭ بازاسىندا اشىق ەسىك كۇندەرى وتكىزىلەدى. «ۇزدىك ءبىلىم بەرۋ نىسانى», «ۇزدىك قىزمەت جانە ازاماتتىق قورعاۋدى قالىپتاستىرۋ» جانە «ازاماتتىق قورعانىستىڭ ۇزدىك قورعانىس عيماراتى» تاقىرىپتارىندا ءتۇرلى كونكۋرستار وتكىزۋ بويىنشا جۇمىس باستالدى.
«ەلوردانىڭ 90 ءبىلىم بەرۋ نىسانى وقۋشىلارىنىڭ اراسىندا 10 سپورتتىق ەستافەتا, 15 ويىن جانە جاتتىعۋ, 5 ينتەراكتيۆتى ساباق ۇيىمداستىرىلدى. ازاماتتىق قورعانىس بويىنشا ۇگىت-ناسيحات جۇمىستارى مەكتەپ پارلامەنتتەرىمەن, اتاپ ايتقاندا قالا مەكتەپتەرىنىڭ پرەزيدەنتتەرىمەن جانە تج مينيسترلەرىمەن باستالدى», – دەيدى ول.
سونىمەن قاتار ول پرەزيدەنت قاسىم-جومارت توقاەۆتىڭ تاپسىرمالارىن ىسكە اسىرۋ ماقساتىندا 23 اقپاندا قالا مەكتەپتەرىنىڭ اۋماعىندا سەيسميكالىق جاتتىعۋلار وتكىزۋ جوسپارلانعانىن قوزعاپ ءوتتى.
