قازاقستان رەسپۋبليكاسى ادىلەت مينيسترلىگىنىڭ ۇلتتىق زياتكەرلىك مەنشىك ينستيتۋتىندا (QAZPATENT) دۇنيەجۇزىلىك زياتكەرلىك مەنشىك ۇيىمىنىڭ (دزمۇ) جازعى مەكتەبى اشىلدى, دەپ حابارلايدى astana-akshamy.kz
دزمۇ جازعى مەكتەبى – دزمۇ QAZPATENT-پەن بىرلەسىپ ستۋدەنتتەر مەن جاس ماماندار ءۇشىن ۇيىمداستىراتىن زياتكەرلىك مەنشىك قۇقىعى بويىنشا ەكى اپتالىق قارقىندى ينتەنسيۆتىك باعدارلاما.
دزمۇ جازعى مەكتەبىنىڭ اشىلۋ سالتاناتىندا قازاقستان رەسپۋبليكاسى ادىلەت ۆيتسە-ءمينيسترى بوتاگوز جاقسەلەكوۆا قۇتتىقتاۋ ءسوز سويلەپ, ءىس-شارانىڭ جوعارى ماڭىزدىلىعىن اتاپ ءوتتى. ول ءوز سوزىندە دزمۇ جازعى مەكتەبى قازاقستان رەسپۋبليكاسىنىڭ اۋماعىندا ءۇشىنشى رەت وتكىزىلىپ وتىرعانىن, بۇل زياتكەرلىك مەنشىك سالاسىنداعى قازاقستاندىق ءبىلىم بەرۋ باستامالارىنىڭ دامۋىن كورسەتەتىنىن اتاپ ءوتتى.
«قازاقستانداعى دزمۇ جازعى مەكتەبىنىڭ ءوز تاريحى بار. 2022 جىلى بولگاريا, وزبەكستان, رەسەي فەدەراتسياسى جانە تاجىكستان وكىلدەرىنىڭ قاتىسۋىمەن ءبىرىنشى ترەنينگ ءساتتى ءوتتى. وتكەن جىلى الماتىدا حالىقارالىق اقپاراتتىق تەحنولوگيالار ۋنيۆەرسيتەتىندە دزمۇ جازعى مەكتەبى ءوتتى. بيىلعى جىلى بىزگە قازاقستاننىڭ ءتۇرلى قالالارىنان, سونداي-اق بەلارۋس, مولدوۆا جانە رەسەي فەدەراتسياسىنان كەلگەن وكىلدەر قوسىلدى, بۇل جوباعا قىزىعۋشىلىقتىڭ ارتىپ كەلە جاتقانىن اتاپ ءوتتى», – دەدى بوتاگوز جاقسەلەكوۆا.
دزمۇ اتىنان وتپەلى جانە دامىعان ەلدەر دەپارتامەنتىنىڭ كاۆكاز, ورتالىق ازيا جانە شىعىس ەۋروپا ءبولىمىنىڭ باسشىسى يليا گريبكوۆ جازعى مەكتەپتىڭ ستۋدەنتتەرگە قاتىسۋ ءۇشىن العىسىن ءبىلدىردى. ول ءوز سوزىندە دزمۇ مىندەتتەرىنىڭ ءبىرى ەلدەرگە زياتكەرلىك مەنشىك سالاسىنداعى ادام رەسۋرستارىن دامىتۋعا كومەكتەسۋ بولىپ تابىلاتىنىن جانە دزمۇ جازعى مەكتەبى وسىنداي كومەك كورسەتۋ نىساندارىنىڭ ءبىرى بولىپ تابىلاتىنىن ايتتى. بۇل جوبا زياتكەرلىك مەنشىكتى ەكونوميكالىق, الەۋمەتتىك, مادەني جانە تەحنولوگيالىق دامۋ قۇرالى رەتىندە پايدالانۋ تۋرالى, سونىمەن قاتار دۇنيەجۇزىلىك زياتكەرلىك مەنشىك جۇيەسىندەگى دزمۇ ءرولى تۋرالى ءبىلىم بەرەدى. سونداي-اق يليا گريبكوۆ وز سوزىندە قازاقستان رەسپۋبليكاسى زياتكەرلىك مەنشىك قۇقىعى تۋرالى ءبىلىمدى تاراتۋدا بەلسەندى قادامدار جاساپ جاتقانىن اتاپ ءوتتى. بۇعان استانادا دزمۇ جازعى مەكتەبىنىڭ ءوتۋى دە, 2024 جىلى ماقسۇت نارىكباەۆ ۋنيۆەرسيتەتىندە (قازگزۋ) «زياتكەرلىك مەنشىك جانە
QAZPATENT ديرەكتورى ەربول وسپانوۆ دزمۇ جازعى مەكتەبىنە قاتىسۋشىلاردى قازاقستان رەسپۋبليكاسى ادىلەت مينيسترلىگىنىڭ ۇلتتىق زياتكەرلىك مەنشىك ينستيتۋتى اتىنان قۇتتىقتادى. ول QAZPATENT قىزمەتىنىڭ نەگىزگى باعىتتارىنا توقتالىپ, ساباقتار بارىسىندا دزمۇ جازعى مەكتەبىنىڭ ستۋدەنتتەرى تاجىريبەدەن ناقتى جاعدايلاردى زەرتتەيتىنىن اتاپ ءوتتى.
تىڭداۋشىلارعا زياتكەرلىك مەنشىك سالاسىنداعى مەملەكەتتىك ساياسات تۋرالى قازاقستان رەسپۋبليكاسى ادىلەت مينيسترلىگىنىڭ زياتكەرلىك مەنشىك قۇقىقتارى دەپارتامەنتى ديرەكتورىنىڭ ورىنباسارى مارينا سيروتينا حابارلادى.
دزمۇ جازعى مەكتەبى استانادا 2024 جىلعى 18-28 ماۋسىم ارالىعىندا وتەدى. ساباقتاردىڭ تاقىرىپتارى زياتكەرلىك مەنشىك قۇقىعىنىڭ بارلىق نەگىزگى اسپەكتىلەرىن, سونىڭ ىشىندە اۆتورلىق جانە ساباقتاس قۇقىقتاردى, تاۋار بەلگىلەرىن, ونەرتابىستاردى, ماتەريالدىق ەمەس اكتيۆتەردى باسقارۋدى, ليتسەنزيالاۋدى, تەحنولوگيالاردى بەرۋدى, بۇزىلعان قۇقىقتاردى قورعاۋدى قامتيدى. جازعى مەكتەپ نەگىزگى تاقىرىپتاردان باسقا, جاسىل تەحنولوگيالاردى پاتەنتتەۋ ماسەلەلەرى, فرانچايزينگتىڭ دامۋ تەندەنتسيالارى, زياتكەرلىك مەنشىك پەن جاساندى ينتەللەكت اراسىنداعى بايلانىس جانە باسقا دا وزەكتى تاقىرىپتاردى قاراستىرادى.
ساباقتاردى دزمۇ, QAZPATENT, ەۋرازيالىق پاتەنتتىك ۆەدومستۆو وكىلدەرى, پاتەنتتىك سەنىم بىلدىرىلگەن وكىلدەر, عالىمدار, تاجىريبەلى زاڭگەرلەر جۇرگىزەدى. ترەنينگ ناتيجەلەرى بويىنشا قاتىسۋشىلار دزمۇ اكادەمياسىنىڭ سەرتيفيكاتىن الادى.
ايتا كەتۋ كەرەك, قازاقستان رەسپۋبليكاسى دزمۇ جازعى مەكتەبىن وتكىزەتىن ورتالىق ازياداعى جالعىز مەملەكەت. 2024 جىلى دزمۇ جازعى مەكتەپتەرى اقش, يسپانيا, كورەيا, قىتاي, سينگاپۋر, ۇلىبريتانيا جانە شۆەيتساريانى قوسا العاندا, ون جەتى ەلدە ۇيىمداستىرىلادى.
2022–2023 جىلدارى دزمۇ-نىڭ قازاقستانداعى جازعى مەكتەبى اياسىندا 100 ادام وقىتىلدى. 2024 جىلى شەت مەملەكەتتەردىڭ وكىلدەرىن قوسقاندا 50 ادام وقىتىلادى.
