استانادا دوستىق ۇيىندە ەتنوسارالىق قاقتىعىس پەن ونىڭ الدىن الۋ شارالارىنا ارنالعان وتىرىس ءوتتى, دەپ حابارلايدى astana-akshamy.kz.
ءىس-شارانىڭ ماقساتى ەتنوسارالىق شيەلەنىسكە جول بەرمەۋ جانە قوعامداعى كەلىسىمدى ساقتاۋ بولدى. وتىرىسقا قر پارلامەنتى سەناتى مەن ءماجىلىسىنىڭ دەپۋتاتتارى, قر مادەنيەت جانە اقپارات ۆيتسە-ءمينيسترى ايزادا قۇرمانوۆا, ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين, باس پروكۋراتۋرا, ىشكى ىستەر, وقۋ-اعارتۋ, عىلىم جانە جوعارى ءبىلىم, ەڭبەك جانە حالىقتى الەۋمەتتىك قورعاۋ مينيسترلىكتەرىنىڭ وكىلدەرى, سونداي-اق قحا جانە ەتنومادەني بىرلەستىكتەردىڭ مۇشەلەرى قاتىستى.
قر مادەنيەت جانە اقپارات ۆيتسە-ءمينيسترى قازاقستانداعى ەتنوسارالىق كەلىسىمدى نىعايتۋ جونىندەگى ورتالىق جانە جەرگىلىكتى بيلىك ورگاندارى جۇمىسىنىڭ نەگىزگى باعىتتارى تۋرالى ايتىپ بەردى. عالىم شويكين الەۋمەتتىك جەلىلەر مەن باق مونيتورينگى بويىنشا دا وقيعالار مەن جانجالداردىڭ الدىن الۋ بويىنشا اتقارىلعان جۇمىستار تۋرالى ەسەپ بەردى. وتىرىس بارىسىندا قاتىسۋشىلار ۇلتتىق بىرلىكتى نىعايتۋعا جانە ازاماتتىق قۇندىلىقتاردى دامىتۋعا قاتىستى پىكىرلەر, تاجىريبەلەر جانە جاڭا تاسىلدەرمەن الماستى. وتىرىس قورىتىندىسى بويىنشا, كونسترۋكتيۆتى ديالوگ جۇرگىزىلىپ, ەلدەگى ەتنوسارالىق كەلىسىمدى ودان ءارى دامىتۋ بويىنشا بىرقاتار ۇسىنىستار قابىلداندى.
