ل.ن گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ەلىمىزدەگى گيد جانە ەكسكۋرسوۆود ماماندارىنىڭ العاشقى رەسپۋبليكالىق فورۋمى ءوتتى, دەپ حابارلايدى astana-akshamy.kz.
فورۋمنىڭ وتۋىنە استانا قالاسىنىڭ اكىمدىگى, تۋريزم جانە سپورت مينيسترلىگى, «قازاق تۋريزم» ۇلتتىق كومپانياسى جانە ەۋرازيا ۇلتتىق ۋنيۆەرسيتەتى مۇرىندىق بولدى. جيىنعا تۋريزم سالاسىنىڭ ماماندارى, 100-دەن استام گيدتەر مەن ەكسكۋرسوۆودتار, مۇعالىمدەر مەن ستۋدەنتتەر قاتىستى.
ءىس-شارانى اشقان تۋريزم جانە سپورت ۆيتسە-ءمينيسترى ەرجان ەركىنباەۆ تۋريزم سالاسى ماماندارى قىزمەتىنىڭ ماڭىزدىلىعىن اتاپ ءوتتى. سونداي-اق ەلىمىزدەگى الدىڭعى قاتارلى گيدتەرگە مينيسترلىك اتىنان العىسحاتتار تابىستادى.
«مامان دايىنداۋ ماسەلەسىندە بىلتىردان باستاپ مەملەكەت قولداۋىمەن تۋريزم باعىتىندا ماماندار دايىنداپ جاتىرمىز. ءوزىمىزدىڭ كافەدرامىزدان 8 مۇعالىم گيد-ەكسكۋرسوۆود وقۋىن ءبىتىرىپ, كۋالىك الدى. ولار ستۋدەنتتەردى تەوريالىق ءبىلىم عانا ەمەس, پراكتيكالىق بىلىكتىلىككە دە بەيىمدەيدى. ەكسكۋرسياتانۋ, مۋزەيتانۋ ساباقتارى بويىنشا قوسىمشا وقىتادى. ارنايى دايىندىقتاردان وتكەن ۇستازدار ۋنيۆەرسيتەتتە لەكتسيالار وتكىزۋمەن قاتار قالامىزدىڭ كورىكتى جەرلەرىندە تاجىريبەلىك ساباقتار جۇرگىزەدى», – دەدى ەۇۋ ەكونوميكا فاكۋلتەتى تۋريزم كافەدراسىنىڭ مەڭگەرۋشىسى ءلايلا مۋتاليەۆا.
