حالىقارالىق يوگا كۇنىنە وراي استاناداعى بەيبىتشىلىك جانە كەلىسىم سارايىنىڭ الدىنداعى الاڭدا نيەت بىلدىرگەندەرگەن ارنالعان اشىق جاتتىعۋ ءوتتى, دەپ حابارلايدى astana-akshamy.kz.
جاتتىعۋدىڭ باستاماشىسى ءۇندىستاننىڭ قازاقستانداعى ەلشىلىگى جانىنداعى Yoga family Astana جانە سۆامي ۆيۆەكاناندا اتىنداعى مادەني ورتالىق بولدى. ءىس-شارا قالا اكىمدىگى تاراپىنان قولداۋعا يە بولدى.
«ەگەر ءسىز دەنساۋلىعىڭىز ءۇشىن نە ىستەۋ كەرەكتىگىن بىلمەسەڭىز, يوگامەن اينالىسىڭىز. بۇل ءسىزدى يكەمدى, ساۋ جانە سترەسسكە ءتوزىمدى ەتەدى. ەڭ باستىسى, تىنىس الۋ جۇيەسىنە ەرەكشە نازار اۋدارىڭىز, ويتكەنى تىنىس الۋ تاماق پەن سۋدان دا ماڭىزدى», – دەدى ءىس-شارانى ۇيىمداستىرۋشىلاردىڭ ءبىرى راماناتحان سۋنداراپانديان.
ءىس-شارادا ءتۇرلى جاستاعى كەلۋشىلەر بولدى. نۇسقاۋشىلار جاس مولشەرى دە, شەبەرلىك دەڭگەيى دە ماڭىزدى ەمەس دەپ سانايدى. يوگا بارىنە پايدالى.
«نيەت بىلدىرگەندەردىڭ ءبارى جينالدى. باسىندا «سۋريا-ناماسكار» جاتتىعۋلار كەشەنىنىڭ 108 اينالىمى وتكىزىلەدى, ودان كەيىن ءتۇرلى ءىس-شارالار مەن قويىلىمدار وتەدى», – دەيدى يوگا وقىتۋشىسى, ەرىكتى ايجان.
ەلوردا تۇرعىندارى ءىس-شارا باعدارلاماسى تۋرالى وڭ پىكىر ءبىلدىردى.
«ماعان ءىس-شارا ۇنادى, مۇندا كوپتەگەن يوگا اۋەسقويلارى جينالدى, بۇل ماعان ەرەكشە شابىت جانە قۋات بەردى», – دەدى ەلوردا تۇرعىنى يۋليا.
