قازىرگى ۋاقىتتا ەلوردادا جۇمىس ىستەپ تۇرعان شوب سۋبەكتىلەرىنىڭ سانى – 227 386. ونىڭ ىشىندە 23 مىڭنان استامى جاڭادان اشىلعان. اتالعان ورىنداردا شامامەن 515 مىڭ ادام جۇمىس ىستەيدى, بۇل بەلسەندى حالىقتىڭ 74% قۇرايدى. بۇل تۋرالى بۇگىن استانا كوممۋنيكاتسيالار قىزمەتى الاڭىندا «ەلورداداعى كاسىپكەرلىكتىڭ دامۋى» اتتى بريفينگتە استانا قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى قۋانىش ساپاروۆ مالىمدەدى, دەپ حابارلايدى astana-akshamy.kz.
-شوب سۋبەكتىلەرىنىڭ قالا ەكونوميكاسىنداعى ۇلەسى 2023 جىلى 68,9 % نەمەسە 8 873,8 ملرد. تەڭگەنى قۇرادى. سونداي-اق, شوب سۋبەكتىلەرى 2023 جىلى 14,7 ترلن. تەڭگەگە ءونىم ءوندىرىپ, قىزمەت كورسەتتى. بۇل رەسپۋبليكا بويىنشا بارلىق وندىرىلگەن ونىمدەر مەن كورسەتىلگەن قىزمەتتەرىنىڭ 21%-ى. سونىمەن قاتار, 2023 جىلى شوب سۋبەكتىلەرىمەن ەلوردادا تولەنگەن بارلىق سالىقتىق جانە باسقادا تولەمدەردىڭ 58,4 % نەمەسە 1 477,9 ملرد. تەڭگە قۇرادى. بۇل كورسەتكىشتەرگە قول جەتكىزۋگە مەملەكەتتىك قولداۋدىڭ قارجىلىق جانە قارجىلىق ەمەس شارالارى ىقپال ەتۋدە. 2023 جىلى قارجىلىق قولداۋ كورسەتۋ شارالارى شەڭبەرىندە 30 634,3 ملن. تەڭگە ءبولىندى, ونىڭ ىشىندە جب – 6 951,1 ملن. تەڭگە, رب – 23 683,3 ملن. تەڭگە. 2023 جىلى كاسىپكەرلىكتى قولداۋ شەڭبەرىندە سىياقى مولشەرلەمەسىن سۋبسيديالاۋ بويىنشا جالپى كرەديت سوماسى 87 338,4 ملن.تەڭگەگە 1 148 شارت ماقۇلداندى, كرەديتتەرگە ءىشىنارا كەپىلدىك بەرۋ بويىنشا 16 895,9 ملن. تەڭگە سوماسىنا 769 كەلىسىمگە قول قويىلدى, مەملەكەتتىك گرانتتار بەرۋ بويىنشا 545 ملن. تەڭگە سوماسىنا 113 جوبا ماقۇلداندى. سونداي-اق, «استانا بيزنەس» جەرگىلىكتى جەڭىلدىكتى كرەديتتەۋ باعدارلاماسى شەڭبەرىندە 904,1 ملن.تەڭگە سوماسىنا 63 كرەديت بەرىلدى, – دەدى سپيكەر ءوز بايانداماسىندا.
كاسىپكەرلەردى قولداۋ بويىنشا بىرقاتار شارالار جۇرگىزىلۋدە, ونىڭ ىشىندە 2024 جىلى بىرىڭعاي كەشەندى باعدارلاما شەڭبەرىندە 34 699,2 ملن. تەڭگە بولىنگەن. 234 جوبا ماقۇلدانىپ, ونىڭ ىشىندە: – سىياقى مولشەرلەمەسىن سۋبسيديالاۋ بويىنشا ەدب ارقىلى كرەديتتىك جەلىنىڭ 24 664,7 ملن. تەڭگە سوماسىنا 233 شارت ماقۇلداندى; – ميكروكرەديتتەردى پورتفەلدىك سۋبسيديالاۋ بويىنشا 1 شارت 18,9 ملن.تەڭگەگە. بۇدان باسقا: – كرەديتتەرگە كەپىلدىك بەرۋ بويىنشا 2 861,2 ملن. تەڭگە كەپىلدىك تولەۋ سوماسىنا 79 جوباعا قول قويىلدى. سونداي-اق, جەرگىلىكتى جەڭىلدەتىلگەن كرەديتتەۋ «استانا بيزنەس» باعدارلاماسى شەڭبەرىندە 2 500 ملن. تەڭگە (جەرگىلىكتى بيۋدجەتتەن 1 000 ملن. تەڭگە, دامۋ قورىمەن 1 500 ملن. تەڭگە) ءبولدى. 2024 جىلى مەملەكەتتىك گرانتتار بەرۋ كونكۋرسىن ەكىنشى جارتىجىلدىقتىڭ باسىندا وتكىزۋ جوسپارلانىپ وتىر. وسى جىلدان باستاپ مەملەكەتتىك گرانتتار تەك قانا الەۋمەتتىك كاسىپكەرلىك سۋبەكتىلەرىنە وتەۋسىز نەگىزدە بەرىلەتىن بولادى. وسىعان وراي, كاسىپكەرلەرگە مەملەكەتتىك گرانتتار بەرۋ جونىندەگى كونكۋرسقا قاتىسۋ ءۇشىن الەۋمەتتىك كاسىپكەرلەر تىزىلىمىنە كىرۋ قاجەت.
قاعيدالار شەڭبەرىندە الەۋەتتى الەۋمەتتىك كاسىپكەرلەر 4 ساناتقا بولىنەدى:
– 1 سانات بۇل ءحاوت (ەرەكشە قاجەتتىلىكتەرى بار ادامدار, ەرەكشە بالالاردى تاربيەلەپ وتىرعان اتا-انالار, كوپ بالالى وتباسىلاردىڭ وكىلدەرى, زەينەتكەرلەر مەن زەينەتكەرلىك جاسقا دەيىنگى ازاماتتار, 16 جاستان 23 جاسقا دەيىنگى بالالار ءۇيىنىڭ تاربيەلەنۋشىلەرى, قانداستار) ازاماتتارىن جۇمىسپەن قامتۋعا ىقپال ەتەتىن الەۋمەتتىك كاسىپكەرلەر (كەم دەگەندە 2 ادام نەمەسە قىزمەتكەرلەردىڭ 50%).
– 2 سانات بۇل ءحاوت ساناتتاعى ادامدارمەن وندىرىلەتىن تاۋارلاردى, جۇمىستاردى, كورسەتىلەتىن قىزمەتتەردى ساتۋعا ىقپال ەتەتىن الەۋمەتتىك كاسىپكەرلەر.
– 3 سانات بۇل ەرەكشە قاجەتتىلىگى بار ادامداردىڭ قاجەتتىلىكتەرىن ەڭسەرۋگە نەمەسە وتەۋگە مۇمكىندىك بەرەتىن جۇمىستار مەن تاۋارلاردى ءوندىرۋ, قىزمەتتەر كورسەتۋ جونىندەگى قىزمەتتى جۇزەگە اسىراتىن الەۋمەتتىك كاسىپكەرلەر (الەۋمەتتىك-مەديتسينالىق جانە الەۋمەتتىك-پسيحولوگيالىق قىزمەتتەر, وڭالتۋ جانە الەۋمەتتىك بەيىمدەۋ).
– 4 سانات بۇل الەۋمەتتىك سالادا جۇمىس ىستەيتىن الەۋمەتتىك كاسىپكەرلەر (پسيحولوگيالىق-پەداگوگيكالىق قىزمەتتەر, بالالاردىڭ دەمالىسى مەن ساۋىعۋىن ۇيىمداستىرۋ, جالپى ءبىلىم بەرۋ, مادەني-اعارتۋ, قورشاعان ورتانى قورعاۋ). 2023 جىلى الەۋمەتتىك كاسىپكەرلەر تىزىلىمىنە 43 كاسىپكەر ەنگىزىلدى.
بۇل ءتىزىلىم مەملەكەتتىك گرانتتار الۋعا ارنالعان كونكۋرسقا قاتىسۋعا, اكك ارقىلى جەڭىلدىكتى شارتتارمەن تۇرعىن ەمەس ءۇي-جاي الۋعا, سونداي-اق دامۋ قورى ارقىلى 7% جەڭىلدىكتى كرەديت الۋعا مۇمكىندىك بەرەدى. كاسىپكەرلىكتى قولداۋ بويىنشا جۇمىس وسى باعىتتا جالعاساتىن بولادى.
