2024 جىلعى 29-31 مامىردا استانادا قر عىلىم جانە جوعارى ءبىلىم مينيسترلىگىنىڭ جانە جوعارى وقۋ ورىندارى كىتاپحانالارى قاۋىمداستىعىنىڭ قولداۋىمەن حالىقارالىق كىتاپحانا قاۋىمداستىقتارى فەدەراتسياسىمەن (IFLA) ىنتىماقتاستىقتا XIII ەۋرازيالىق اكادەميالىق كىتاپحانالار كونفەرەنتسياسى وتەدى, دەپ حابارلايدى astana-akshamy.kz
كونفەرەنتسيانىڭ تاقىرىبى – كىتاپحانا سالاسىنىڭ بولاشاعى ءۇشىن بىرلەستىكتەر مەن سەرىكتەستىكتەردى دامىتۋ.
وعان اقش, قىتاي, ازەربايجان, ءۇندىستان, پورتۋگاليا, حورۆاتيا, رەسەي, ۋرۋگۆاي جانە فينليانديا سياقتى ەلدەردەن كەلگەن ساراپشىلار قاتىسپاق.
NU-دىڭ كىتاپحانا ديرەكتورى مەن اكادەميالىق ىستەر جونىندەگى ۆيتسە-پروۆوستى, قر عىلىم جانە جوعارى ءبىلىم ۆيتسە-ءمينيسترى, IFLA “كىتاپحانا قاۋىمداستىقتارىنىڭ مەنەدجمەنتى” سەكتسياسىنىڭ باسشىسى جانە قر جوعارى وقۋ ورىندارى كىتاپحانالارى قاۋىمداستىعىنىڭ پرەزيدەنتى ءسوز سويلەپ, رەسمي تۇردە كونفەرەنتسيانى اشپاق.
كونفەرەنتسيادا بريۋسسەلدەگى بۇۇ-نىڭ وڭىرلىك اقپارات ورتالىعىنىڭ ديرەكتورى شەرري الديس كىتاپحانالاردىڭ بۇۇ-مەن ىنتىماقتاستىعى تۋرالى ايتىپ, قر ۇلتتىق اكادەميالىق كىتاپحاناسى ديرەكتورىنىڭ ورىنباسارى نۇرجان جولدىبالينوۆ قازاقستاندا بىرىڭعاي اۆتوماتتاندىرىلعان كىتاپحانالىق اقپارات جۇيەسىن ەنگىزۋدىڭ ارتىقشىلىقتارى جانە پەرسپەكتيۆالارىمەن بولىسپەك.
سونىمەن قاتار شارا اياسىندا كىتاپحانالىق قىزمەتتەردى جاقسارتۋ ءۇشىن جاساندى ينتەللەكتتى پايدالانۋ بويىنشا شەبەرلىك كلاسى وتكىزىلەدى. شارا سوڭىندا سەرتيفيكاتتار تابىستالىپ, بيزنەس-كەزدەسۋ بولماق.
جىل سايىن وتەتىن ەۋرازيالىق اكادەميالىق كىتاپحانالار كونفەرەنتسياسى – كىتاپحاناداعى اقپاراتتىق قىزمەتتەردى دامىتۋدىڭ وزەكتى ماسەلەلەرى مەن پەرسپەكتيۆالارىن تالقىلاۋعا مۇمكىندىك بەرەتىن ماڭىزدى الاڭ.
انىقتاما: NU كىتاپحاناسى 2010 جىلى قۇرىلعان جانە بۇگىنگى تاڭدا ورتالىق ازياداعى ەڭ وزىق كىتاپحانالاردىڭ ءبىرى. 2018 جىلى ول وقىرماندارىنا 24/7 رەجيمىندە ەسىگىن اشقان العاشقى ۋنيۆەرسيتەتتىك كىتاپحانالاردىڭ ءبىرى بولدى.
