استانادا وتەتىن دۇنيەجۇزىلىك كوشپەندىلەر ويىندارىنىڭ ۆولونتەرلىك باعدارلاماسى تانىستىرىلدى
استانانىڭ بىرقاتار ۋنيۆەرسيتەتتەرىندە ستۋدەنتتەرگە 5-ءشى دۇنيەجۇزىلىك كوشپەندىلەر ويىندارىنىڭ ۆولونتەرلىك باعدارلاماسى تانىستىرىلدى, دەپ حابارلايدى astana-akshamy.kz
جيىنداردا 5-ءشى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ جونىندەگى ديرەكتسيا باسشىلىعى ۆولونتەرلەردىڭ وسى ويىندارعا ۇلەس قوسۋعا مۇمكىندىگى بارىن, ەرىكتىلەر قىزمەتىنىڭ تاجىريبە جيناۋداعى ماڭىزىن جەتكىزدى. سونىمەن قاتار ۆولونتەرلەرگە قويىلاتىن تالاپ, ەرەجە, ىرىكتەۋ كەزەڭدەرى تۋرالى مالىمەت جان-جاقتى ءتۇسىندىرىلدى.
جاستاردىڭ ەرىكتىلەر جاساعى – سپورتتىق جانە مادەني شارالاردىڭ ماڭىزدى بولىگى. مەيماندى قارسى الۋ, ولارعا جول كورسەتىپ, باعىت سىلتەۋ, شەتەلدىكتەرگە اۋدارماشى بولۋ سياقتى كوزگە كورىنبەيتىن ءىستىڭ بارىندە ۆولونتەر جۇرەدى. بىلايشا ايتقاندا, ەرىكتى دەگەنىمىز ءوزارا رياسىز كومەك پەن ءپاتريوتيزمنىڭ, قوعامعا جانە ەلگە پايدالى ادام بولۋدىڭ جارقىن ۇلگىسى. دەرەك ءۇشىن ايتساق, EXPO-2017 كورمەسىنە 7000-نان استام ەرىكتى قاتىستى. قىسقى ازيا ويىندارىندا دا جاس ورەندەرىمىز ۆولونتەر رەتىندە بەلسەندىلىك تانىتتى.
5-ءشى دۇنيەجۇزىلىك كوشپەندىلەر ويىندارىنا ۆولونتەر بولۋعا نيەت بىلدىرۋشىلەر سايتى ارقىلى «ەرىكتى بول» بولىمىنە كىرىپ, ساۋالنامانى تولتىرۋى كەرەك. بارلىق تالاپتان سۇرىنبەي وتكەن ۇمىتكەر سۇحباتقا شاقىرىلادى. ۆولونتەر جۇمىسىنا 18 جاستان اسقان ۇمىتكەر تاڭدالادى.
قوسىمشا Instagram, Tik Tok الەۋمەتتىك جەلىلەرىندە @Volunteer_nomadgameskz پاراقشالارىند كورسەتىلگەن. سونداي-اق WhatsApp, Telegram-دا 8 701 841 20 24 بايلانىس ءنومىرى ارقىلى سۇراقتارىڭىزدى جولداي الاسىزدار.
