وڭىرلىك ينۆەستيتسيالىق شتاب وتىرىسىندا استانا اكىمى جەڭىس قاسىمبەكتىڭ باسشىلىعىمەن ينۆەستيتسيالىق جوبالار تالقىلاندى, دەپ حابارلايدى astana-akshamy.kz
وتىرىسقا ءىرى شەتەلدىك ينۆەستورلار دا قاتىستى. ولار – «YDAholding» تۇركيالىق كومپانياسى, «GE HealthCare» امەريكالىق كومپانياسى, سونداي-اق وتاندىق ينۆەستورلار: «توكك «قازاقستان» جشس, «Land Invest Group» جشس جانە ت.ب. قاتىسۋشىلار وتاندىق جانە شەتەلدىك ينۆەستورلاردىڭ ارالاسۋىمەن جۇزەگە اسىرىلىپ جاتقان جوبالاردىڭ قازىرگى ماسەلەلەرىن, ونىڭ ىشىندە ولاردىڭ ءتيىمدى بولۋىنا قاتىستى ماسەلەلەردى قاراستىردى.
مىسالى, «YDA» تۇرىك كومپانياسى وڭدەۋشى ونەركاسىپتە جالپى ينۆەستيتسيا سوماسى 32,6 ملرد تەڭگەگە 2 جوبانى جانە جالپى سوماسى 165 ملرد تەڭگەگە جۋىق دەنساۋلىق ساقتاۋ سالاسىنداعى 2 جوبانى ىسكە اسىرىپ جاتىر.
«استانا-تەحنوپوليس» اەا اۋماعىندا امەريكالىق «GE HealthCare» كومپانياسى مەديتسينالىق جابدىقتاردى ءوندىرۋ جونىندەگى ينۆەستيتسيالىق جوبانى ىسكە اسىرۋ ءۇشىن جەر ۋچاسكەسى بەلگىلەندى. 27 ملرد تەڭگەگە جۋىق سوماعا جوبانى ىسكە اسىرۋ 6 مىڭ جاڭا جۇمىس ورنىن قۇرۋعا مۇمكىندىك بەرەدى.
وتاندىق ينۆەستور «توكك «قازاقستان» جشس ەلوردادا ءوزىنىڭ ەكىنشى ءىرى ينۆەستيتسيالىق جوباسىن ىسكە اسىرۋعا كىرىستى. ول جالپى ينۆەستيتسيا سوماسى 55 ملرد تەڭگەگە تاماق ونىمدەرى مەن مەتالل قاقپاقتارعا ارنالعان كونسەرۆى (اليۋميني) بانكالارىن ءوندىرۋدى كوزدەيدى. زاۋىتتىڭ وندىرىستىك قۋاتى جىلىنا 1 ملرد دانا ءونىمدى قۇرايدى.
سونىمەن قاتار, وتاندىق ينۆەستورلار ەلوردانىڭ الماتى, نۇرا جانە ەسىل اۋداندارىندا كولەمى 3500 شارشى مەتر بولاتىن 3 مەكتەپ سالۋدى جوسپارلاپ وتىر.
سونداي-اق, وتىرىستا ەلورداداعى اپاتتى ۇيلەردى جاڭارتۋ باعدارلاماسى اياسىندا «Land Invest Group» جشس-نىڭ ەسكى تۇرعىن ۇيلەردى جاڭارتۋ ورىندارىندا كوممەرتسيالىق ينفراقۇرىلىم قۇرۋ تۋرالى ۇسىنىسى قارالدى. بۇل ۇسىنىستىڭ وڭ اسەرى قالاعا جەكە ينۆەستيتسيالاردى تارتۋ, تۇرعىن ءۇي قورىن جاڭارتۋ, ەلوردانىڭ سىرتقى كەلبەتىن جاقسارتۋ بولىپ سانالادى.
سونىمەن قاتار, №1 يندۋستريالدى پارك اۋدانىندا «تەمىرسەرۆيس استانا» جشس, «Central IndustrialPark» جشس قاتىسۋىمەن تەمىرجول جۇك اۋلاسىن, ونەركاسىپتىك-وندىرىستىك قويما كەشەنىن قامتيتىن لوگيستيكالىق حاب سالۋ بويىنشا 2 جوبانى ىسكە اسىرۋ جوسپارلانىپ وتىر.
وڭىرلىك ينۆەستيتسيالىق شتاب وتىرىستارى اي سايىن وتەدى, وندا ءاربىر جوبا مۇددەلى مەملەكەتتىك ورگاندار مەن كوممۋنالدىق قىزمەتتەردىڭ قاتىسۋىمەن جەكە قارالادى.
