ەلوردادا قازاقستان-قىتاي ىسكەرلىك كەڭەسى بارىسىندا ەكونوميكالىق سيپاتتاعى 40-تان استام قۇجاتقا قويىلدى, دەپ حابارلايدى astana-akshamy.kz
ونىڭ اراسىندا ەلەكتر ەنەرگياسىن ءوندىرۋ ءۇشىن قالدىقتاردى جاعاتىن زاۋىت سالۋ تۋرالى تورتجاقتى كەلىسىم بار.
Shenzhen energy environment ۆيتسە-پرەزيدەنتى لي دجوۋگەنىڭ ايتۋىنشا, قازىر قۇرىلىس بويىنشا كەلىسسوزدەر باستالدى. بۇل رەتتە, كومپانيا قاجەت ينۆەستيتسيا كولەمىن ەسەپتەپ جاتىر. وسىدان كەيىن عانا جوبانى جۇزەگە اسىرۋ مەرزىمى تۋرالى ايتۋعا بولادى.
«ونىڭ جوبالىق قۋاتتىلىعى ەلەكتر ەنەرگياسىن ءوندىرۋ ءۇشىن كۇنىنە 1,5 مىڭ توننا تۇرمىستىق قالدىقتى جاعۋعا مۇمكىندىك بەرەدى», – دەدى ول قازاقستان-قىتاي ىسكەرلىك كەڭەسى كەزىندە تىلشىلەر سۇراعىنا جاۋاپ بەرە وتىرىپ.
ول Shenzhen energy environment قورجىنىندا دۇنيەجۇزى بويىنشا بىرنەشە وسىنداي جوبا بار ەكەنىن جانە كومپانيا بارلىق جەردە ەڭ جوعارى ەكولوگيالىق ستاندارتتارعا نازار اۋدارىپ وتىرعانىن ايتتى.
