ارداگەرلەردىڭ رەسپۋبليكالىق قوعامدىق بىرلەستىگى 2011 جىلدىڭ 21 ماۋسىمىندا قۇرىلدى. بۇل كۇنگە 13 جىل تولۋىنا وراي ۇلتتىق اسكەري-پاتريوتتىق ورتالىعىنا قارۋلى كۇشتەردىڭ ارداگەرلەرى كەلدى, دەپ حابارلايدى astana-akshamy.kz.
مەرەكەلىك ءىس-شاراعا «قارۋلى كۇشتەر ارداگەرلەرى» رقب استانا فيليالىنىڭ مۇشەلەرى, «ارداگەرلەر ۇيىمى» رقب ورتالىق كەڭەسىنىڭ باسشىلىعى, جاستاردى تاربيەلەۋ ىسىنە ءوز ۇلەستەرىن قوسىپ جۇرگەندەردىڭ ءبارى قاتىستى.
ولارعا استانا قالاسىنىڭ قورعانىس ىستەرى جونىندەگى دەپارتامەنتىنىڭ وكىلى زاپاستاعى پولكوۆنيك عاني ارتىقوۆ قۇتتىقتاۋ ءسوز سويلەپ, ءوز تاجىريبەسىن جاس ۇرپاققا جەتكىزەتىن ارداگەرلەر ميسسياسىنىڭ ماڭىزدىلىعىن اتاپ ءوتتى.
«ارداگەرلەر ۇيىمى» رقب ورتالىق كەڭەسى توراعاسىنىڭ ورىنباسارى كوپبولسىن بەكماعامبەت ارىپتەستەرىن ايتۋلى كۇنمەن قۇتتىقتادى.
كەزدەسۋگە قاتىسۋشىلار كەڭەس وداعىنىڭ باتىرى, قازاقستان رەسپۋبليكاسىنىڭ ءبىرىنشى قورعانىس ءمينيسترى ارميا گەنەرالى ساعادات نۇرماعامبەتوۆتىڭ 100 جىلدىعىنا ارنالعان ءفيلمدى تاماشالادى.
قارۋلى كۇشتەردىڭ قالىپتاسۋى مەن دامۋىنا, ەلدىڭ قورعانىس قابىلەتىن نىعايتۋعا قوسقان ۇلەسى ءۇشىن بىرقاتار ارداگەرلەر «ساعادات نۇرماعامبەتوۆكە 100 جىل» ەستەلىك توسبەلگىسىمەن ماراپاتتالدى.
سالتاناتتى جاعدايدا ولاردى «قارۋلى كۇشتەر ارداگەرلەرى» رقب ەلوردالىق فيليالىنىڭ توراعاسى وتستاۆكاداعى اۆياتسيا گەنەرال-مايورى الساي جۇمانوۆ جانە ونىڭ ورىنباسارى وتستاۆكاداعى پولكوۆنيك جۇما تايجانوۆ, كونتر-ادميرال راتمير كومراتوۆ, توسبەلگىنى ازىرلەۋشى وتستاۆكاداعى پولكوۆنيك قايىر ءدۇنبايانوۆ تابىس ەتتى.
– ءبىزدىڭ بىرلەستىكتىڭ ارداگەرلەرى قازاقستان ارمياسىنىڭ قالىپتاسۋىنا باعا جەتپەس ۇلەس قوستى, ولار بۇگىندە قوعام مەن ەلگە پايدالى ارەكەت ەتۋدە. اسكەرگە شاقىرىلۋعا دەيىنگى جاستارمەن, ساربازدارمەن جانە كەلىسىمشارت بويىنشا اسكەري قىزمەتشىلەرمەن كەزدەسۋلەردە ولارعا ء«بىرتۇتاس ەل – ءبىرتۇتاس جەر» نەگىزگى قاعيداتىنىڭ ماعىناسىن جەتكىزەمىز, – دەدى وتستاۆكاداعى اۆياتسيا گەنەرال-مايورى الساي جۇمانوۆ.
سالتاناتتى شارا قر قارۋلى كۇشتەرى ورتالىق ءانسامبلى مۋزىكالىق ۇجىمىنىڭ مەرەكەلىك كونتسەرتىمەن اياقتالدى.
