استانادا ۇلتتىق قورعانىس ۋنيۆەرسيتەتى مەن «حالىقارالىق اقپاراتتىق تەحنولوگيالار ۋنيۆەرسيتەتى» اق اراسىندا مەموراندۋمعا قول قويىلدى دەپ حابارلايدى astana-akshamy.kz. قۇجاتقا قول قويۋ الدىندا اسكەري وقۋ ورنىنىڭ باسشىسى گەنەرال-مايور اسقار مۇستابەكوۆ قوناقتاردى ۋنيۆەرسيتەتتىڭ نەگىزگى مىندەتتەرىمەن جانە عىلىمي جەتىستىكتەرىمەن تانىستىردى.
– ۇلتتىق قورعانىس ۋنيۆەرسيتەتى ەل قارۋلى كۇشتەرىنىڭ جەدەل-تاكتيكالىق جانە جەدەل-ستراتەگيالىق باسقارۋ بۋىندارىنىڭ ماماندارىنا دەگەن قاجەتتىلىكتى تولىعىمەن قامتاماسىز ەتەدى, بۇل ءبىلىم ورداسىنىڭ ماگيستراتۋراسى – 16, ال دوكتورانتۋرا – 6 ماماندىق بويىنشا مامان دايارلايدى, – دەدى ول.
ۋنيۆەرسيتەت باسشىسى وقىتۋشىلىق قىزمەتتەن وزگە, ءبىلىم بەرۋ مەكەمەسى اسكەري ونەر, قارۋ-جاراق جانە اسكەري تەحنيكا, اقپاراتتىق تەحنولوگيالار, اسكەري وقىتۋ جانە تاربيە ماسەلەلەرىن زەردەلەۋمەن دە اينالىساتىنىن اتاپ ءوتتى.
مەموراندۋمعا قازاقستان رەسپۋبليكاسى ۇلتتىق قورعانىس ۋنيۆەرسيتەتىنىڭ باستىعى گەنەرال-مايور اسقار مۇستابەكوۆ پەن حالىقارالىق اقپاراتتىق تەحنولوگيالار ۋنيۆەرسيتەتىنىڭ رەكتورى اسقار حيكمەتوۆ قول قويدى.
تاراپتار ەكىجاقتى ىنتىماقتاستىقتى نىعايتۋعا جانە ونى دامىتۋعا, ءبىلىم بەرۋ جانە عىلىمي سالالاردا زياتكەرلىك الەۋەتتى ىسكە اسىرۋ ءۇشىن جاعداي جاساۋعا ۇمتىلۋعا ءوزارا قىزىعۋشىلىق تانىتتى.
قۇجاتتا تاراپتاردىڭ وقۋ ورىندارىندا عىلىمي-پەداگوگيكالىق جانە عىلىمي كادرلاردى دايارلاۋدى, قايتا دايارلاۋدى, ولاردىڭ بىلىكتىلىگىن ارتتىرۋدى ۇيىمداستىرۋدا ءوزارا قارىم-قاتىناس كوزدەلگەن.
اسكەري ءبىلىم ورداسىنىڭ وقۋ جانە عىلىمي-زەرتتەۋ بولىمشەلەرىندە پروفەسسورلىق-وقىتۋشىلار قۇرامىنىڭ, عىلىمي كادرلاردىڭ, ماگيسترانتتار مەن دوكتورانتتاردىڭ تاعىلىمدامالارىن ۇيىمداستىرۋ جوسپارلانۋدا.
ءتۇرلى سالالاردا بىرلەسكەن عىلىمي زەرتتەۋلەر جانە تاجىريبەلىك-كونسترۋكتورلىق جۇمىستار جۇرگىزۋ كوزدەلىپ وتىر. كونسۋلتاتيۆتىك جانە وقىتۋشىلىق قىزمەتكە تاراپتاردىڭ جەتەكشى عالىمدارى, وقىتۋشىلارى مەن ماماندارى قاتىساتىن بولادى.
اقپاراتتىق جانە كىتاپحانالىق رەسۋرستارمەن الماسۋ, بىرلەسكەن وقۋ, عىلىمي جانە ادىستەمەلىك باسىلىمداردى دايىنداۋ, بىرلەسكەن كونفەرەنتسيالار, سيمپوزيۋمدار, سەمينارلار مەن دوڭگەلەك ۇستەلدەر وتكىزۋ جوسپاردا بار.
سونداي-اق, وسى كۇنى ۇلتتىق قورعانىس ۋنيۆەرسيتەتىندە اسكەري-پاتريوتتىق تاربيە ماسەلەلەرى تالقىلاندى. وتاندىق اسكەري ءبىلىم ورداسىنا اندرەي لۋكيننىڭ باسشىلىعىمەن پارلامەنت سەناتىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ دەلەگاتسياسى كەلدى.
ۇلتتىق قورعانىس ۋنيۆەرسيتەتىنىڭ باستىعى گەنەرال-مايور اسقار مۇستابەكوۆ پارلامەنتتەگىلەرگە جوعارى وقۋ ورنى قىزمەتىنىڭ نەگىزگى باعىتتارى جانە 2025 جىلعا دەيىنگى جاستاردى اسكەري-پاتريوتتىق تاربيەلەۋ باعدارلاماسىن ىسكە اسىرۋ جونىندە ايتىپ بەردى. قۇجاتتا مەملەكەتتىك قۇرىلىمدار مەن ازاماتتىق قوعامنىڭ موتيۆاتسيانى قالىپتاستىرۋ جانە اسكەرگە شاقىرىلعانعا دەيىنگى جاستاردىڭ اسكەري قىزمەتكە دايىندىعى جونىندەگى كەڭ اۋقىمدى ماسەلەلەردى شەشۋدەگى ءوزارا ءىس-قيمىلدىڭ نەگىزى كوزدەلگەنىن دە اتاپ ءوتتى.
كوميتەت توراعاسى اندرەي لۋكين ءوز سوزىندە جاستاردى پاتريوتتىق تاربيەلەۋ ماسەلەلەرىندە ۆەدومستۆوارالىق ءوزارا ءىس-ارەكەت جانە جۇيەلى كوزقاراس قاجەتتىلىگىنە نازار اۋداردى.
تاربيە جانە يدەولوگيالىق جۇمىس دەپارتامەنتى باستىعىنىڭ ورىنباسارى پولكوۆنيك ۆيتالي اداموۆيچ سەناتورلاردى وسى باعىتتا اتقارىلىپ جاتقان جۇمىستار جايلى حاباردار ەتتى. ول ەلىمىزدەگى جاستاردى اسكەري-پاتريوتتىق تاربيەلەۋ پروتسەسىنىڭ قوزعاۋشى كۇشى قورعانىس, وقۋ-اعارتۋ مينيسترلىكتەرى, جەرگىلىكتى اتقارۋشى ورگاندار جانە «جاس سارباز» رەسپۋبليكالىق بالالار-جاسوسپىرىمدەر قوزعالىسى ەكەنىن اتاپ ءوتتى. قۇرىلعان ساتتەن باستاپ قوزعالىس تاربيەلەنۋشىلەرىنىڭ سانى 73 164-تەن 260 162-گە دەيىن ءوستى. اسكەري-پاتريوتتىق كلۋبتاردىڭ سانى 2828-دەن 8672-گە دەيىن ارتتى.
بۇدان بولەك پولكوۆنيك ۆ. اداموۆيچ 2024 جىلى كەڭەس وداعىنىڭ باتىرى, حالىق قاھارمانى ارميا گەنەرالى ساعادات نۇرماعامبەتوۆتىڭ ءجۇز جىلدىعىنا ورايلاستىرىلعان «ايبىن» X حالىقارالىق اسكەري-پاتريوتتىق جاستار جيىنى وتەتىنىن مالىمدەدى. جيىنعا العاش رەت ۇقشۇ-عا مۇشە مەملەكەتتەردىڭ – ارمەنيا, بەلارۋس, قىرعىزستان, رەسەي جانە تاجىكستان, سونداي-اق وزبەكستان مەن ازەربايجا…
