24-30 ماۋسىم ارالىعىندا قازاقستاندا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن ۇيىمداستىرىلعان رەپرودۋكتيۆتى دەنساۋلىق اپتالىعى وتۋدە, دەپ حابارلايدى astana-akshamy.kz
سونداي-اق, استانادا دا رەپرودۋكتيۆتى دەنساۋلىقتىڭ ماڭىزدىلىعى تۋرالى حالىقتىڭ حاباردارلىعىن ارتتىرۋ جانە سالاماتتى ءومىر سالتىن ناسيحاتتاۋ بويىنشا ءىس-شارالار ۇيىمداستىرىلۋدا.
وسى اپتادا اقپاراتتىق ءىس-شارالار مەن اشىق ەسىك كۇندەرىندە جاستار رەپرودۋكتيۆتى دەنساۋلىق, قاجەتسىز جۇكتىلىكتىڭ جانە جىنىستىق جولمەن بەرىلەتىن ينفەكتسيالاردىڭ (ججبي) الدىن الۋ ادىستەرى, ايتۆ-ينفەكتسياسى مەن ججبي تارالۋىنىڭ جوعارىلاۋى جانە جاتىر موينى وبىرىن تۋدىراتىن ادام پاپيللوماۆيرۋسىنىڭ الدىن الۋ تۋرالى كوبىرەك بىلە الادى. بۇل كۇندەرى مەديتسينالىق مەكەمەلەردە قۇرىلعان كەز كەلگەن ەمحانادا نەمەسە جاستار ورتالىقتارىندا جاسوسپىرىمدەرگە تەگىن مەديتسينالىق تەكسەرۋلەر مەن كەڭەستەر الۋعا بولادى.
قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا مۇشەلەرى ەلورداداعى № 6 ەمحانادا ورنالاسقان «جاس تالاپ» جاستار دەنساۋلىق ورتالىعىنا باردى. ەمحانانىڭ باس دارىگەرى دينارا بايسەركينانىڭ ايتۋىنشا, جاستار ورتالىعى تىركەۋگە قاراماستان دارىگەرلەردىڭ كەڭەسى مەن كومەگىنە مۇقتاج بارلىق ادامدار ءۇشىن اشىق.
ء«بىز ەمحاناعا تىركەلگەندەردىڭ بارلىعىن جانە ءبىزدىڭ ەمحاناعا جاتاتىن بارلىق مەكتەپتەردى قابىلدايمىز. سونىمەن قاتار كەزيكەلگەن جاستار ورتالىعىنا ەلوردانىڭ كەز كەلگەن اۋدانىنان كەلگەن ءجاسوسپىرىم كەلىپ, كەڭەس پەن كومەك الا الادى. ويتكەنى جاستار ورتالىعىنىڭ جۇمىس ءپرينتسيپى سەنىمگە, ىزگى نيەتكە, قول جەتىمدىلىككە, ەرىكتىلىككە نەگىزدەلگەن. نەلىكتەن؟ سەبەبى ءجاسوسپىرىم سەنىم بولعان كەزدە عانا كەلەدى, ويتكەنى ورتالىقتا وعان مەيىرىمدىلىكپەن قارايدى جانە ورتالىقتىڭ وزىنە بارۋ قول جەتىمدى. كونسۋلتاتسياعا جازباسىز كەلىپ, قىزمەتتى تەگىن الۋعا بولادى», – دەدى دينارا بايسەركينا.
ەمحانانىڭ باس دارىگەرى جاستار ورتالىعى باسشىسىنىڭ جۇمىسى مەكتەپتەرگە, بالاباقشالارعا, جوعارى وقۋ ورىندارى مەن كوللەدجدەرگە بارۋدان تۇراتىنىن ايتتى.
«قىزدار بىزگە كوبىرەك كەلەدى. قىزدار ءوز دەنساۋلىعىن ۇلدارعا قاراعاندا كوبىرەك قاداعالايدى. دەگەنمەن ۇلداردىڭ دا كەلە باستاعان ءۇردىسى بايقالادى”, – دەپ اتاپ ءوتتى جاستار ورتالىعىنىڭ ديرەكتورى ليۋدۆيك مالينوۆسكي.
ونىڭ ايتۋىنشا, ورتالىققا كۇنىنە 20-25 ادام جۇگىنەدى.
ەگەر مەكتەپتەرگە سەمينارلار نەمەسە ترەنينگتەر قاجەت بولسا, ولار جاستار ورتالىعى قۇرعان Whatsاpp چات ارقىلى جۇگىنەدى, ماماندار ۇلەستىرمە ماتەريالدارمەن بارىپ, ولارعا دارىستەر وقىپ, سۇراقتارىنا جاۋاپت بەرەدى.
كەزدەسۋ سوڭىندا ءماجىلىس دەپۋتاتى سنەجاننا يماشەۆا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ باستاماسىمەن رەپرودۋكتيۆتى دەنساۋلىق اپتالىعى وتكىزىلىپ جاتقانىن ايتتى.
ء«بىز وسى كوميسسيانىڭ مۇشەلەرى رەتىندە مەديتسينالىق مەكەمەلەرگە بارامىز. ارىپتەستەرىمىز بەن دارىگەرلەرىمىز بىزگە قانداي جۇمىس جۇرگىزىلىپ جاتقانىن ايتىپ بەردى. نەلىكتەن رەپرودۋكتيۆتى دەنساۋلىق ماڭىزدى؟ سەبەبى بۇل – ۇلتتىڭ دەنساۋلىعى. دەنى ساۋ قازاقستاندىقتىڭ دۇنيەگە كەلۋى ءۇشىن اناسىنىڭ دەنى ساۋ بولۋى ماڭىزدى. ەلىمىزدە وسىنداي ورتالىقتاردىڭ بولۋى وتە ماڭىزدى, ءبىز بۇعان ءوز كوزىمىزبەن كوز جەتكىزدىك. ءبىز قانداي پروبلەمالار بار ەكەنىن جانە ولاردى قالاي شەشۋگە بولاتىنىن بىلەمىز. قالاي بولعاندا دا, ەلوردادا بۇل ماسەلەلەر شەشىلۋدە”, – دەپ قورىتىندىلادى سنەجاننا يماشەۆا.
