«University Medical Center» كورپوراتيۆتىك قورىنىڭ بازاسىندا رەسپۋبليكالىق ورفاندىق اۋرۋلار ورتالىعى (رواو) جۇمىسىن باستادى, دەپ حابارلايدى astana-akshamy.kz
ورتالىقتىڭ اشىلۋىنا دەنساۋلىق ساقتاۋ ءمينيسترى اقمارال ءالنازاروۆا, قر بالا قۇقىقتارى جونىندەگى ۋاكىل دينارا زاكيەۆا, نازارباەۆ ۋنيۆەرسيتەتىنىڭ مەديتسينا مەكتەبىنىڭ ۆيتسە-پرەزيدەنتى – دەكانى ماسسيمو پينياتەللي, «UMC» قق باسقارما توراعاسى يۋري پيا, سونداي-اق شاقىرىلعان ساراپشىلار قاتىستى.
رواو سيرەك كەزدەسەتىن اۋرۋلاردى ەمدەۋدىڭ ۇزاق مەرزىمدى ناتيجەلەرىن دياگنوستيكالاۋ, ەمدەۋ جانە باعالاۋ ءۇشىن ۇيلەستىرۋ ورتالىعىنا اينالادى. ورتالىقتىڭ نەگىزگى ماقساتى – سيرەك كەزدەسەتىن اۋرۋلارى بار ناۋقاستارعا مەديتسينالىق كومەك پەن ءومىر ساپاسىن جاقسارتۋ.
«رواو قۇرۋ ورفاندىق اۋرۋلاردى دياگنوستيكالاۋ مەن ەمدەۋگە فراگمەنتتىك ءتاسىلدى جويۋعا جانە جوعارى مامانداندىرىلعان كومەكتىڭ قولجەتىمدىلىگىن جاقسارتۋ, ەمدەۋدىڭ ءتيىمدى ادىستەرىن ىزدەۋ جانە دياگنوستيكا جۇيەسىن ازىرلەۋ بويىنشا مەديتسينالىق قوعامداستىقتىڭ ۇيلەستىرىلگەن كۇش – جىگەرىن قامتاماسىز ەتۋگە مۇمكىندىك بەرەدى», – دەپ اتاپ ءوتتى دەنساۋلىق ساقتاۋ ءمينيسترى اقمارال ءالنازاروۆا.
رواو-نىڭ اشىلۋى شەڭبەرىندە مينيستر UMC-دە ەم الىپ جاتقان ورفاندىق اۋرۋلارى بار بالالاردى ارالاپ, ولاردى بالالاردى قورعاۋ كۇنىمەن قۇتتىقتاپ, تەزىرەك ساۋىعىپ كەتۋلەرىن تىلەدى.
سوڭعى جىلدارى تۇقىم قۋالايتىن اۋرۋلاردى ەرتە دياگنوستيكالاۋ بويىنشا وڭ ديناميكا بايقالادى. بۇگىنگى تاڭدا ورفاندىق اۋرۋلارى بار 12 948 بالا ەسەپتە تۇر, ونىڭ ىشىندە ورتالىق جانە پەريفەريالىق نەرۆ جۇيەسىنىڭ اۋرۋلارى – 7239 جاعداي.
مەديتسينا عىلىمىنىڭ دامۋىنا, اۋرۋلاردىڭ ەتيولوگياسى مەن پاتوگەنەزى بويىنشا جاڭا ءبىلىمنىڭ پايدا بولۋىنا قاراي, ورفاندىق اۋرۋلارى بار پاتسيەنتتەر ءۇشىن جاڭا دارىلىك زاتتار, جاڭا تەحنولوگيالار ازىرلەنۋدە, سكرينينگتەردىڭ جانە جالپى دياگنوستيكانىڭ نەعۇرلىم ءتيىمدى تۇرلەرى ەنگىزىلۋدە. سوندىقتان بۇگىنگى تاڭدا عىلىمي زەرتتەۋلەردىڭ ناتيجەلەرىن كلينيكالىق مەديتسينامەن, اۋرۋحانا ينفراقۇرىلىمىنىڭ مۇمكىندىكتەرىمەن, وسى باعىتتا ماماندار دايارلاۋمەن بىرىكتىرۋ ماڭىزدى.
رواو-نىڭ نەگىزگى مىندەتتەرى:
1. كەشەندى دياگنوستيكا پاتسيەنتتىڭ العاشقى سيمپتومدار پايدا بولعان ساتتەن باستاپ دياگنوز قويۋعا دەيىنگى جولىن بارىنشا قىسقارتۋعا مۇمكىندىك بەرەدى.
2. تەراپيانىڭ تيىمدىلىگىن مونيتورينگىلەۋ جانە باعالاۋ: رواو-دا ەمنىڭ تيىمدىلىگىن باعالاۋعا جانە قاجەت بولعان جاعدايدا ونى تۇزەتۋگە مۇمكىندىك بەرەتىن ورفاندىق اۋرۋلاردى ەمدەۋ پروتسەسىنە تۇراقتى مونيتورينگ جۇرگىزىلەتىن بولادى.
3. ەمدەۋدىڭ كەشەندى ءتاسىلى: ورتالىق ورفاندىق اۋرۋلارى بار پاتسيەنتتەردى ەمدەۋگە, كەيىننەن وڭالتۋ باعدارلاماسىن ۇيىمداستىرۋعا مۋلتيديستسيپلينارلىق ءتاسىلدى ىسكە اسىراتىن بولادى, بۇل سيرەك كەزدەسەتىن اۋرۋلارى بار بالالاردىڭ ءومىر ءسۇرۋ ساپاسىن جاقسارتۋ ءۇشىن ەرەكشە ماڭىزدى.
4. دارىگەرلەردى وقىتۋ جانە ولاردىڭ بىلىكتىلىگىن ارتتىرۋ: ورتالىق سيرەك كەزدەسەتىن اۋرۋلار بويىنشا مامانداردى وقىتۋ جانە ولاردىڭ بىلىكتىلىگىن ارتتىرۋ الاڭىنا اينالادى, بۇل مەديتسينا قىزمەتكەرلەرىنىڭ ءبىلىمىن كەڭەيتۋگە مۇمكىندىك بەرەدى.
5. بىرىڭعاي ەلەكتروندىق تىركەلىم: ورفاندىق اۋرۋلارى بار پاتسيەنتتەردىڭ بىرىڭعاي ەلەكتروندىق تىركەلىمىن قۇرۋ جوسپارلانۋدا, بۇل پاتسيەنتتەردىڭ جاعدايىن ەسەپكە الۋ, مونيتورينگتەۋ جانە ءدارى-دارمەكپەن قامتاماسىز ەتۋدى جوسپارلاۋ پروتسەسىن جەڭىلدەتەدى.
وسىلايشا, رواو پاتسيەنتتەرگە ەڭ جاڭا ەمدەۋ مەن قولداۋعا قول جەتكىزۋدى قامتاماسىز ەتە وتىرىپ, ۇلتتىق دەڭگەيدە سيرەك كەزدەسەتىن اۋرۋلاردى دياگنوستيكالاۋ جانە ەمدەۋ بويىنشا كۇش-جىگەردى ۇيلەستىرۋدە شەشۋشى ءرول اتقارادى. ورتالىقتىڭ اشىلۋى ورفاندىق اۋرۋلار پروبلەمالارىن شەشۋگە جانە قازاقستانداعى پاتسيەنتتەردىڭ ءومىر ءسۇرۋ ساپاسىن جاقسارتۋعا جۇيەلى كوزقاراستى ينتەگراتسيالاۋداعى ماڭىزدى قادام بولماق.
