استانادا «SALOMON SPEED RACE» حالىقارالىق سپورتتىق جارىسى وتەدى
8 ماۋسىمدا بارلىق سپورت اۋەسقويلارى ءۇشىن بوتانيكالىق باقتا «SALOMON SPEED RACE» حالىقارالىق سپورتتىق جارىسى وتەدى, دەپ حابارلايدى astana-akshamy.kz
سپورتتىق ءىس-شارانى استانا قالاسى اكىمدىگىنىڭ قولداۋىمەن «ەكسترەمالدى اتلەتيكا» قب Salomon سپورتتىق ماركاسىمەن بىرلەسىپ ۇيىمداستىرادى.
قاتىسۋشىلاردى ءۇش قاشىقتىق كۇتەدى: ۇزىندىعى 1,6 كم Aero Glide, ۇزىندىعى 3 كم Phantasm جانە بولىنگەن ستارتتارى بار ەكى قاشىقتىقتى قامتيتىن Aero Phantasm بىرىكتىرىلگەن. 14 جاستان اسقان بارلىق ادامدار قاتىسا الادى. جۇگىرۋ تاڭعى 8:00-دە باستالادى.
جارىس ەرلەر مەن ايەلدەر اراسىنداعى جەكە بىرىنشىلىكتە وتكىزىلەدى. جەڭىمپازدار مەن جۇلدەگەرلەر 14-18, 19-34, 35-49, 50-59 جانە 60+بەس جاس ساناتىندا قاشىقتىقتى ەڭ جاقسى ءوتۋ ۋاقىتى بويىنشا انىقتالاتىن بولادى. بارلىق قاشىقتىقتى ەڭسەرگەندەردىڭ بارلىعى فينيشەر مەدالىن الادى, ال جارىستىڭ قورىتىندىسى 9 ماۋسىمنان كەشىكتىرىلمەي https://athletex.kz سايتىندا جاريالانادى.
ايتا كەتەيىك, جارىس ەلوردادا بۇقارالىق سپورتتى دامىتۋ, سالاۋاتتى ءومىر سالتىن ناسيحاتتاۋ جانە قاتىسۋشىلاردىڭ سپورتتىق شەبەرلىگىن ارتتىرۋ ءۇشىن وتكىزىلەدى.