قازاقستان رەسپۋبليكاسىنداعى ادام قۇقىقتارى جونىندەگى ۋاكىل ارتۋر لاستاەۆ «امبەباپ مەرزىمدى شولۋ ۇسىنىمدارىنىڭ ورىندالۋ بارىسى تۋرالى» جانە «قر ىشكى ىستەر مينيسترلىگىنىڭ تەرگەۋ-قاماۋعا الىنعانداردىڭ, سوتتالعانداردىڭ كونستيتۋتسيالىق قۇقىقتارىن قامتاماسىز ەتۋ جونىندەگى قىزمەتى جانە ولاردى پەنيتەنتسيارلىق جۇيە مەكەمەلەرىندە ۇستاۋ شارتتارى تۋرالى» ماسەلەلەردى تالقىلاۋعا قاتىستى, دەپ حابارلايدى astana-akshamy.kz
وتىرىس ورتالىق كوممۋنيكاتسيالار قىزمەتىنىڭ الاڭىندا قازاقستان رەسپۋبليكاسى پرەزيدەنتى جانىنداعى ادام قۇقىقتارى جونىندەگى كوميسسيانىڭ باسشىسى يگور روگوۆتىڭ توراعالىعىمەن ءوتتى. ءىس-شاراعا, سونداي-اق قازاقستان رەسپۋبليكاسىنىڭ باس پروكۋرورى بەرىك اسىلوۆ, ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا, ادىلەت ءمينيسترى ازامات ەسقاراەۆ, ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ, ازاماتتىق اليانس پرەزيدەنتى بانۋ نۇرعازيەۆا جانە قۇقىق قورعاۋ ۇيىمدارىنىڭ وكىلدەرى قاتىستى.
بۇۇ-مەن تىعىز ءوزارا ءىس-قيمىل اياسىندا قازاقستان بۇۇ-نىڭ ءتيىستى شارتتىق ورگاندارىنا جۇرگىزىلگەن رەفورمالار مەن قول جەتكىزىلگەن ناتيجەلەر تۋرالى مەرزىمدى ۇلتتىق باياندامالاردى جۇيەلى تۇردە جىبەرىپ وتىرادى.
بۇل باياندامالار, سونىمەن قاتار, ايەلدەرگە قاتىستى كەمسىتۋشىلىكتىڭ, ناسىلدىك كەدەرگىلەردىڭ بارلىق نىساندارىن جويۋ تۋرالى, ازاپتاۋلارعا جانە باسقا دا قاتىگەز, ادامگەرشىلىككە جاتپايتىن نەمەسە قادىر-قاسيەتتى قورلايتىن قارىم-قاتىناس پەن جازا تۇرلەرىنە قارسى, بالانىڭ قۇقىقتارى تۋرالى كونۆەنتسيالاردى, ازاماتتىق جانە ساياسي قۇقىقتار تۋرالى حالىقارالىق پاكتىلەردى قوسا العاندا, بۇۇ كونۆەنتسيالارىنىڭ ۇسىنىمدارىن ىسكە اسىرۋ جونىندەگى قازاقستاننىڭ ەكونوميكالىق, الەۋمەتتىك جانە مادەني قۇقىقتار باعىتىندا قابىلدايتىن جوسپارلارىن كورسەتەدى.
تالقىلاۋ بارىسىندا ومبۋدسمەن ادام قۇقىقتارى جونىندەگى ۋاكىل ينستيتۋتى جۇرگىزىپ جاتقان رەفورمالار, ادام قۇقىقتارى سالاسىنداعى وتاندىق قۇجاتتار تۋرالى ايتىپ, ۇلتتىق الدىن الۋ تەتىگىنىڭ (ۇات) رولىنە توقتالدى.
