اسفالتتىڭ جوعارعى قاباتىن توسەۋ بويىنشا جۇرگىزىلىپ جاتقان جۇمىستارعا بايلانىستى تاۋەلسىزدىك كوپىرى ارقىلى تاراپتاردىڭ ءبىرى بويىنشا قوزعالىس جابىلادى, دەپ حابارلايدى astana-akshamy.kz.
استانا قالاسى كولىك جانە جول-كولىك ينفراقۇرىلىمىن دامىتۋ باسقارماسى 2023 جىلدىڭ قازان ايىندا جولدارداعى قوزعالىستى ءتۇسىرۋ ءۇشىن ەسىل وزەنى ارقىلى تاۋەلسىزدىك كوپىرىندە جول جابىنىنىڭ تومەنگى قاباتى ارقىلى ءوتۋ قامتاماسىز ەتىلگەنىن ەسكە سالدى. بۇگىنگى تاڭدا كوپىردى اباتتاندىرۋ جالعاسۋدا.
ماسەلەن, وسى جىلدىڭ 21-30 ماۋسىمى ارالىعىندا اسفالتبەتون جابىنىنىڭ جوعارعى قاباتىن توسەۋ جۇمىستارىن جۇرگىزۋ جوسپارلانۋدا. بۇل رەتتە كولىك ءۇشىن قوزعالىس كوپىردىڭ ءبىر جاعى بويىنشا ەكى باعىتتا دا قامتاماسىز ەتىلەتىن بولادى.
ەلوردا تۇرعىندارى مەن قوناقتارىنان قالا جولدارىنداعى كەپتەلىستەردى بولدىرماۋ ماقساتىندا ءوز مارشرۋتتارىن الدىن الا جوسپارلاۋدى سۇرايدى
