استانادا «تازا بەيسەنبى» اۋقىمدى ەكواكتسياسى ءوتتى

«تازا قازاقستان. استانا – ءتارتىپ پەن تازالىقتىڭ ۇلگىسى» اۋقىمدى ەكولوگيالىق اكتسيا اياسىندا استانا ماڭىندا استراحان تاس جولى بويىنشا AMANAT پارتياسىنىڭ قالالىق فيليالى قالا اكىمدىگىمەن بىرلەسىپ كەزەكتى «تازا بەيسەنبى» اكتسياسىن وتكىزدى, دەپ حابارلايدى astana-akshamy.kz.

قالا سىرتىنداعى اشىق دالادا قوقىس جيناۋ تاڭەرتەڭ ەرتە باستالدى. اكتسياعا AMANAT پارتياسى ورتالىق اپپاراتىنىڭ وكىلدەرى, قوعام قايراتكەرلەرى, «جاستار رۋحى» جاستار ۇيىمىنىڭ ەرىكتىلەرى, س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ وقىتۋشىلارى, عىلىمي قايراتكەرلەرى مەن ستۋدەنتتەرى جانە قورشاعان ورتانى قورعاۋ جانە تابيعاتتى پايدالانۋ باسقارماسىنىڭ قىزمەتكەرلەرى قاتىستى. قاتىسۋشىلار سانى شامامەن 400 ادامنان استى. بىرنەشە ءجۇز قاپ قوقىس جينالدى.

«الدىن الا ءبىز استانا ماڭىنداعى ەلدىمەكەندەردىڭ لاستانعان اۋماقتارىنىڭ كارتالارىن جاسادىق, ولاردىڭ نەگىزىندە ەلوردا ماڭىندا دا, قالانىڭ وزىندە دە ەڭ لاستانعان 15 ۋچاسكە انىقتالدى. بۇل جول بويىنداعى اۋماقتار, وندىرىستىك ايماقتار, تۇرعىن اۋداندار, الەۋمەتتىك نىساندار جانە باسقالار. پارتيالىقتار ءار بەيسەنبىدە وسىنداي تازالىقتى وتكىزۋگە نيەتتى. بۇل رەتتە, بۇل جاي عانا قوقىستى جيناۋ تۋرالى عانا ەمەس, ءاربىر ۋچاسكەگە ءماسليحات دەپۋتاتتارى, بەلسەندىلەر مەن باستاۋىش پارتيا ۇيىمدارىنىڭ باسشىلارى بەكىتىلگەن. ولار بەكىتىلگەن اۋماقتاردا ءتارتىپ پەن تازالىقتى ساقتاۋدى قامتاماسىز ەتەدى, سونداي-اق ۋرنالاردى ورناتۋ, كوگالداندىرۋ, جولدار مەن تروتۋارلاردى جوندەۋ سياقتى ينفراقۇرىلىمدى اباتتاندىرۋ مەن دامىتۋعا بايلانىستى ماسەلەلەردى شەشەدى», – دەدى AMANAT پارتياسىنىڭ استانا فيليالىنىڭ ءباسپاسوز حاتشىسى سۇلتان مۇستافين.

AMANAT پارتياسى استانا قالالىق فيليالىنىڭ اتقارۋشى حاتشىسى ماريا وتەباەۆانىڭ ايتۋىنشا, «تازا قازاقستان» ەكولوگيالىق اكتسياسى جاريالانعان كۇننەن باستاپ اپتا سايىن ءار بەيسەنبىدە ەكولوگيالىق سەنبىلىك جاريالانادى.

ايتا كەتۋ كەرەك, اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق كاناليزاتسياسى, كوشەلەردى, تروتۋارلاردى, ورامىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلۋدە. سونداي-اق جاسىل جەلەكتەردى كۇتىپ ۇستاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ, رۇقسات ەتىلمەگەن پوليگونداردى جويۋ جۇمىستارى جۇرگىزىلۋدە.