استانادا كەيبىر ابيتۋريەنتتەر ءۇشىن الدىن الا بەلگىلەنگەن ۇلتتىق بىرىڭعاي تەستىلەۋدىڭ ۋاقىتى كەيىنگە اۋىستىرىلدى, دەپ حابارلايدى astana-akshamy.kz
ۇلتتىق تەستىلەۋ ورتالىعى 2024 جىلعى 2, 3, 4 شىلدە كۇندەرى استانا قالاسىندا ت.جۇرگەنوۆ كوشەسى ,18/2 جانە قايىم مۇحامەدحانوۆ كوشەسى ,37ا مەكەنجايلارىندا ۇبت تاپسىرۋشىلارعا ەسكەرتۋ جاساپ, حابارلاما تاراتتى.
استانا قالاسىندا 2, 3 جانە 4 شىلدەگە جوسپارلانعان ۇبت وتكىزۋ كۇنىن اۋىستىرۋ تۋرالى حابارلايمىز. تەحنيكالىق جۇمىستارعا بايلانىستى ۇبت كەلەسى كۇندەرگە اۋىستىرىلادى: 2 شىلدەگە جوسپارلانعان تەستىلەۋ ەندى 8 شىلدەدە; 3 شىلدەدەگىسى 9 شىلدەدە; 4 شىلدەدەگىسى 10 شىلدەدە وتەدى. تۋىنداعان قولايسىزدىقتار ءۇشىن كەشىرىم سۇرايمىز, – دەلىنگەن حابارلامادا.
تەستىلەۋدىڭ جاڭا كۇنى تۋرالى اقپاراتتى app.testcenter.kz سايتىنداعى تەستىلەنۋشىنىڭ جەكە كابينەتى ارقىلى كىرىپ, بىلۋگە بولاتىنى دا ناقتىلانادى.
