استانادا ۇلاندىقتار قىز بالانىڭ ءومىرىن ساقتاپ قالدى, دەپ حابارلايدى astana-akshamy.kz
وقيعا 26 ماۋسىم كۇنى كەشكى ساعات 18:55 شاماسىندا بولدى.
پاترۋلدىك قىزمەت بارىسىندا ۇلتتىق ۇلاننىڭ 5510 اسكەري ءبولىمىنىڭ اسكەري قىزمەتشىلەرى كوپىردەن وزەنگە سەكىرمەك بولعان قىزدى قۇتقاردى.
استانانىڭ الماتى اۋدانىندا قوعامدىق ءتارتىپتى ساقتاۋ بويىنشا قىزمەت اتقارۋ كەزىندە اسكەري جاساق باستىعى ريزابەك تولەەۆ پەن ءپاترۋلشى قاتارداعى جاۋىنگەر رۋسلان مۋسين جەدەل باسقارۋ ورتالىعىنان سارايشىق كوپىرىنىڭ شەتىندە جاس قىزدىڭ جىلاپ تۇرعانى تۋرالى شۇعىل اقپارات الادى.
– كوپىردەن سەكىرۋگە بەت العان قىزدى كورىپ, تەز ارادا جەتىپ باردىق. ءبىزدى بايقاعان بويجەتكەن “جاقىنداساڭدار سەكىرەمىن” دەپ قورقىتتى. ونى سوزگە تارتىپ, وڭتايلى ساتتە قاۋىپسىز جەرگە الىپ شىقتىق, – دەيدى ۇلاندىق سارباز ريزابەك مەرەكەەۆ.
اسكەري قىزمەتشىلەر قىزدى اڭگىمەگە تارتىپ, نيەتىنەن باس تارتۋعا كوندىرمەك بولعان. سونداي-اق ءوتىپ بارا جاتقان ادامدار دا قىزدى تىنىشتاندىرۋعا تىرىسقان. وسى ءساتتى پايدالانعان ۇلاندىقتار مەن تۇرعىندار ونى قورشاۋدان الىپ شىققان. ۇلاندىقتار جاقىن ماڭداعى پوليتسيا پۋنكتى ارقىلى ونىڭ جەكە باسىن انىقتاپ, الماتى اۋدانىنىڭ پوليتسيا باسقارماسىنا جەتكىزدى.
