22 ماۋسىمدا ەلوردادا دانيار ماقاشەۆتى ەسكە الۋعا ارنالعان جاستار اراسىندا دزيۋدودان حالىقارالىق تۋرنير وتەدى, دەپ حابارلايدى astana-akshamy.kz.
جارىسقا قازاقستان, قىرعىزستان, رەسەي, بەلارۋس جانە وزبەكستاننان 150-گە جۋىق دزيۋدوشى قاتىسادى دەپ كۇتىلۋدە. جارىس 20 جاسقا دەيىنگى جاستار اراسىندا 7 سالماق دارەجەسىندە وتەدى. جاس جىگىتتەر 60, 66, 73, 81, 90, 100 كگ جانە 100 كەلىدەن جوعارى سالماق دارەجەسىندە ەڭ مىقتىلاردى انىقتايدى.
حالىقارالىق ءتۋرنيردىڭ جەڭىمپازدارى اقشالاي ماراپاتتارعا يە بولادى: ءبىرىنشى ورىن ءۇشىن – 500 دوللار, ەكىنشى ورىن – 350 دوللار, ءۇشىنشى ورىن – 200 دوللار.
ايتا كەتەيىك, جارىس قازاقستان جاستار قۇراماسى ءۇشىن الەم چەمپيوناتى الدىنداعى دايىندىق كەزەڭى بولىپ سانالادى.
الىقارالىق تۋرنير استاناداعى «Beeline Arena» سپورت كەشەنىندە وتەدى. كىرۋ تەگىن. جارىستى Kazakhstan Judo Team YouTube ارناسىندا تىكەلەي ەفيردە كورۋگە بولادى.
