استانادا جوسپارلانعان فۋتبول ماتچتارى الماتىدا وتەدى

24 ماۋسىمدا وكق-دا وتكەن بريفينگ بارىسىندا V دۇنيەجۇزىلىك كوشپەندىلەر ويىندارىن دايىندىق جانە وتكىزۋ ديرەكتسياسىنىڭ باسشىسى نايل نۇروۆ «استانا ارەنا» ەلىمىزدەگى ەڭ ۇلكەن ستاديون ەكەنىن باسا اتاپ ءوتتى, سوندىقتان ءدال وسى ارەنادا حالىقارالىق جارىستىڭ اشىلۋ سالتاناتىن وتكىزۋ تۋرالى شەشىم قابىلداندى.

«ۇيىمداستىرۋ كوميتەتى وسى ستاديوندى تاڭدادى, ويتكەنى V دۇنيەجۇزىلىك كوشپەندىلەر ويىندارىنىڭ فورماتى, اۋقىمى, ماڭىزدىلىعى جاعىنان بولسىن, ونىڭ اشىلۋ سالتاناتى ەلدىڭ باستى سپورت ارەناسىندا وتۋگە ابدەن لايىق. «استانا ارەنا» ستاديونى جاڭا نىساندار ساناتىنا جاتادى, الايدا نىساننىڭ بەلگىلى ءبىر ەسكىرگەن جەرلەرى بار, سوندىقتان ونى دۇنيەجۇزىلىك كوشپەندىلەر ويىندارىنا دەيىن رەتكە كەلتىرۋ تۋرالى شەشىم قابىلداندى. ال جالپى اتالعان جارىسقا ارنايى جاڭا نىساندار سالىنباعان جانە سالىنىپ جاتقان دا جوق», – دەدى نايل نۇروۆ.

وسىعان بايلانىستى ول 6 قىركۇيەكتە «استانا ارەنادا» ءوتۋى ءتيىس «قازاقستان – نورۆەگيا» ماتچىن اسىعا كۇتىپ جۇرگەن فۋتبول جانكۇيەرلەرىنە قۇلاقتاندىرۋ جاسادى.

«سوندىقتان فۋتبولشىلار, فۋتبول اۋەسقويلارى فۋتبول جارىستارىنىڭ حالىقارالىق كۇنتىزبەسىنە وزگەرىس ەنگىزىلەدى, بۇل ارادا رەنىش بولماۋى كەرەك. ءيا, 6 قىركۇيەكتە «استانا ارەنادا» جوسپارلانعان كەزدەسۋ بولمايدى. سونىمەن قاتار, تاعى دا قايتالاپ ايتامىن, ءبىزدىڭ ۇلتتىق فەدەراتسيا, «استانا ارەنا» سوڭعى بۋىننىڭ جاڭا جامىلعىسىمەن جاڭارتىلعان ستاديونعا اينالاتىن بولادى», – دەدى نايل نۇروۆ.

سونىمەن قاتار, تۋريزم جانە سپورت ۆيتسە-ءمينيسترى سەرىك جاراسباەۆ ماتچتاردى وتكىزۋ كۇنى, ازىرگە ءالى بەلگىسىز ەكەنىن ايتتى.

ء«بىز ءىس جۇزىندە «ۆ» نۇسقاسىن قاراستىردىق جانە ول قازىر ىسكە اسىرىلۋدا. قازىر ءبىزدىڭ ۇلتتىق قۇرامامىز قاتىساتىن بارلىق ويىندار, كەم دەگەندە, كۇزگى كەزەڭدە, الماتى قالاسىنىڭ ورتالىق ستاديونىندا وتەدى. ول ءۇشىن الماتى قالاسى اكىمدىگى بارلىق قاجەتتى جۇمىستاردى قولعا الىپ, قاراجاتتاردى قاراستىرىپ قويدى», – دەدى سەرىك جاراسباەۆ.

بۇعان دەيىن استانادا V دۇنيەجۇزىلىك كوشپەندىلەر ويىندارىنىڭ وتكىزىلۋگە بايلانىستى وقۋشىلار مەن ستۋدەنتتەر ءۇشىن وقۋ جىلىنىڭ باستالۋ ۋاقىتى كەيىنگە شەگەرىلۋى مۇمكىن ەكەندىگى حابارلانعان بولاتىن.