23 ماۋسىم كۇنى بۇكىل الەم حالىقارالىق وليمپيادا كۇنىن تويلايدى. مەرەكە قارساڭىندا ەلورداداعى ورتالىق ساياباقتا اشىق باسسەين جۇزۋدەن Iswim ءتۋرنيرى ءوتتى, دەپ حابارلايدى astana-akshamy.kz.
ءىس-شارانىڭ اشىلۋ سالتاناتىنا استانا قالاسىنىڭ دەنە شىنىقتىرۋ جانە سپورت باسقارماسى باسشىسىنىڭ ورىنباسارى يسلامبەك بايمانوۆ قاتىسىپ, جاس اتلەتتەرگە جەڭىس تىلەدى.
«ايتۋلى دودانى تاماشالاي وتىرىپ, ءبىز جاس جەتكىنشەكتەردىڭ ىنتا-نيەتى مەن قاجىر-قايراتىنا, وجەتتىگى مەن تاباندىلىعىنا جانە جەڭىسكە دەگەن جىگەرىنە سۇيسىندىك. ەلىمىزدىڭ بولاشاعى وسى سىزدەرسىزدەر. كەلەشەكتە سىزدەر اسا ءىرى حالىقارالىق دودالاردا قازاق ەلىنىڭ نامىسىن ابىرويلى قورعايتىن بەلدى سپورتشىلارىنا اينالادى دەپ ۇمىتتەمىز. جارىس جولىندا جارقىن جەڭىستەر تىلەيمىن!» – دەدى يسلامبەك بايمانوۆ.
ايتۋلى تۋرنيرگە 7-16 جاس ارالىعىنداعى 200-دەن اسا بالا قاتىستى. مەرەكەلىك جارىستىڭ قاتىسۋشىلارى ارنايى ەستەلىك سىيلىقتارمەن, ديپلومدارمەن جانە مەدالدارمەن ماراپاتتالدى.
