استانا قالاسىنداعى مەملەكەتتىك مەكتەپتەردىڭ 35-ءى قازاق تىلىندە, 3-ءى ورىس تىلىندە, 64-ءى ارالاس تىلدە ءبىلىم بەرەدى, دەپ حابارلايدى astana-akshamy.kz
استانا قالاسىنىڭ ءبىلىم باسقارماسى Kazinform ساۋالىنا بەرگەن جاۋابىندا ەلورداداعى ءۇش اۋىسىممەن جانە شامادان تىس جۇكتەمەمەن وقىتاتىن مەكتەپتەردىڭ وقىتۋ ءتىلى جونىندە مالىمەت بەردى.
«جىل سايىن تۋ مەن كوشى-قون ەسەبىنەن مەكتەپ وقۋشىلارىنىڭ سانى ارتۋ ۇستىندە. سوعان ساي استانادا ءۇش اۋىسىمدا وقىتاتىن 8 مەكتەپ بار. ونىڭ ىشىندە بىرەۋى مەملەكەتتىك تىلدە وقىتادى. ارالاس مەكتەپتەردەگى 13 774 بالا ورىس سىنىبىندا, 14 152 بالا قازاق سىنىبىندا سىنىبىندا وقيدى. 16 مەكتەپتە بالا سانى شامادان ارتىق, ونىڭ ىشىندە ۇشەۋى مەملەكەتتىك تىلدە وقىتادى. ونداعى ارالاس مەكتەپتەردەگى 21 907 بالا – ورىس سىنىبىندا, 22 498 بالا – قازاق سىنىبىندا وقيدى» دەلىنگەن باسقارمانىڭ جاۋابىندا.
قازىرگى تاڭدا قالاداعى مەملەكەتتىك مەكتەپتەردىڭ 35-ءى قازاق تىلىندە, 3-ءى ورىس تىلىندە, 64-ءى ارالاس تىلدە ءبىلىم بەرەدى.
«قالاداعى مەملەكەتتىك تىلدە وقىتاتىن 35 مەكتەپتىڭ بىرەۋى ءۇش اۋىسىممەن, ۇشەۋى شامادان تىس جۇكتەمەمەن, 31-ءى جوبالىق قۋاتىنا ساي جۇكتەمەمەن جۇمىس ىستەپ تۇر. ورىس تىلىندە وقىتاتىن 3 مەكتەپ جوبالىق قۋاتىنا ساي جۇكتەمەمەن جۇمىس ىستەۋدە. 64 ارالاس مەكتەپتىڭ 7-ءۋى ءۇش اۋىسىممەن, 12-ءسى شامادان تىس جۇكتەمەمەن, 45-ءى ستاندارتقا ساي جۇكتەمەمەن جۇمىس ىستەيدى» دەپ جازىلعان جاۋاپتا.
