Astana International University پرەزيدەنتى س.يرساليەۆ جانە «NANOTECHPROM» جشس ديرەكتورى س.جۇبانازاروۆ AIU بازاسىندا ينجەنەرلىك ورتالىق قۇرۋ تۋرالى مەموراندۋمعا قول قويدى, دەپ حابارلايدى astana-akshamy.kz.
تاراپتار قازاقستاندىق جانە شەتەلدىك تەحنولوگيالىق كومپانيالاردىڭ تاپسىرىسى بويىنشا جوبالاردى بىرلەسىپ جۇزەگە اسىرۋ, عىلىمي-زەرتتەۋ قىزمەتىن كوممەرتسيالاندىرۋ, سونداي-اق كومپيۋتەرلىك ينجينيرينگ پەن ءادديتيۆتى تەحنولوگيالاردى قولدانۋ, ونىڭ ىشىندە امەريكاندىق Altair Engineering كومپانياسىنىڭ ازىرلەمەلەرىن پايدالانۋ بويىنشا ارىپتەستىكتى نىعايتۋعا نيەتتى.
ينجەنەرلىك ورتالىقتىڭ اشىلۋى AIU ستۋدەنتتەرى مەن وقىتۋشىلارىنا جوعارى وندىرىستىك ستاندارتتار بويىنشا سەرتيفيكات الۋعا, زاماناۋي باعدارلامالىق قامتاماسىز ەتۋدى پايدالانا وتىرىپ كەشەندى زەرتتەۋلەر جۇرگىزۋگە جانە شەتەلدە تاعىلىمدامادان ءوتۋ ارقىلى كاسىبي تاجىريبە جيناقتاۋعا مۇمكىندىك بەرەدى.
سونىمەن قاتار, ىنتىماقتاستىقتىڭ ماڭىزدى تۇسى — AIU ستۋدەنتتەرىنە, ماگيسترانتتارىنا جانە دوكتورانتتارىنا عىلىمي جوبالارمەن جۇمىس ىستەۋ جانە قوناقتىق دارىستەر وقۋ ءۇشىن جوعارى بىلىكتى تەحنيكالىق مامانداردى تارتۋ ەكەنىن اتاپ ءوتۋ كەرەك.
