«دەنساۋلىق – باستى بايلىق» دەپ دانا حالقىمىز بەكەر ايتپاعان. سول دەنساۋلىق السىرەگەن كەزدە ادام جانىنىڭ اراشاسى بولار ابزال جاندارعا ءۇمىت ارتامىز.
بيىلعى جىلدىڭ ماۋسىم ايىندا جۇرەك سوعىسىنىڭ بۇزىلۋ دەرتىمەن استانا قالاسىنداعى №2 كوپبەيىندى اۋرۋحانانىڭ ينتەرۆەنتتىك كارديولوگيا بولىمشەسىندە ەمدەلدىم. ادامدى دەرتتەن ايىقتىراتىن دارىگەردىڭ شەبەرلىگى, جاقسى كوزقاراسى مەن جىلى ءسوزى دەسەم ارتىق ايتقاندىق ەمەس. سونداي جاننىڭ ءبىرى, بولىمشە مەڭگەرۋشىسى, اريتمولوگ دارىگەر – تالعات قۇدايبەرگەنۇلى ەسەنوۆ. جان-جاقتى تەكسەرۋدەن كەيىن ماعان «بوستون» كارديوستيمۋلياتورىن قويۋعا شەشىم قابىلدادى. ارينە, قاي دارىگەردىڭ بولسا دا جۇمىسى جەڭىل ەمەس ەكەنىن تۇسىنەمىن. سونىڭ ىشىندە كارديولوگتاردىڭ ەڭبەگى ەرەكشە قۇرمەتكە لايىق جاندار دەپ ايتا الامىن. ادام اعزاسىنىڭ ەڭ قۇدىرەتتىسى – جۇرەك. وعان وتا جاساپ جۇمىسىن رەتتەۋ وڭاي شارۋا ەمەس. سول قيىندىقتى جەڭىپ ادامعا ءومىر سىيلاپ, قانشا قيىندىقتىڭ ورتاسىندا جۇرسە دە, قاسىڭا كەلىپ, جاعدايىڭدى ءبىلىپ, كەڭەسىن ايتىپ, جىلى سوزىمەن جانىڭدى ەمدەيتىن دارىگەردىڭ بىرەگەيى تالعات قۇدايبەرگەنۇلى ەكەنىنە كوزىم جەتتى. بولاشاقتا قازاق مەديتسينا عىلىمىن دامىتۋعا زور ۇلەسىن قوساتىن ءبىلىمدى دە, بىلىكتى مامانداردىڭ ءبىرى بولاتىنىنا سەنىمدىمىن. ەلوردانى باس باسىلىمى ارقىلى تالعات قۇدايبەرگەنۇلىنا العىس ايتۋ پارىزىم دەپ بىلەمىن. ەڭبەگى جانىپ, قازاق حالقىنىڭ «ءبىزدىڭ سۇيىكتى دارىگەر» دەگەن العىسىنا بولەنىپ, بيىك مارتەبەگە جەتۋىنە شىن جۇرەكتەن تىلەكتەسپىن.
روزا ابەنوۆا, زەينەتكەر-ۇستاز, قوستاناي وبلىسى, ناۋرىزىم اۋدانى
