استانا قالالىق توتەنشە جاعدايلار دەپارتامەنتى 1 ماۋسىم – حالىقارالىق بالالاردى قورعاۋ كۇنىنە جانە قاۋىپسىزدىكتى قامتاماسىز ەتۋگە ارنالعان كەڭ اۋقىمدى ءىس-شارالار وتكىزەدى, دەپ حابارلايدى astana-akshamy.kz.
ءىس-شاراعا ەلوردالىق قۇتقارۋشىلار تانىمدىق بليتس-ساۋالنامالار, كونكۋرستار وتكىزەدى, بالالارعا ارنالعان كەڭەستەرمەن بولىسەدى, ءوز قىزمەتى تۋرالى اڭگىمەلەيدى, اۆاريالىق-قۇتقارۋ قۇرالدارى مەن تەحنيكالارى, كينولوگيالىق قىزمەتتىڭ جۇمىسىن كورسەتەدى. بارلىق ءىس-شارالار بالالارعا ارنالادى.
مەرەكەلىك جيىن سوڭى «قاۋىپسىزدىك قالاسىنا ساياحات» اتتى اتتراكتسيونىمەن اياقتالادى, وندا بالالار مەن اتا-انالار قۇتقارۋشىلاردى جانە ءورت ءسوندىرۋ تەحنيكاسىنىڭ كورمەسىن تاماشالايدى, وزدەرىنىڭ زياتكەرلىك, كوركەمدىك جانە شىعارماشىلىق قابىلەتتەرىن كورسەتەدى جانە سول ءۇشىن سىيلىقتارمەن ماراپاتتالادى.
دەپارتامەنت بارلىق تۇرعىنداردى «قاۋىپسىزدىك قالاسىنا ساياحات» ءىس-شاراسىنا بەلسەندى قاتىسۋعا شاقىرادى.
