ەلوردالىق سپورتشىلار پارا جۇزۋدەن الەمدىك سەريانىڭ جۇلدەگەرلەرى اتاندى, دەپ حابارلايدى astana-akshamy.kz.
فرانتسيانىڭ ليموج قالاسىندا پارا جۇزۋدەن الەمدىك سەريا جارىسى ءوتتى. ايتۋلى باسەكەدە استانا قالاسىنىڭ قوس پارا سپورتشىلارى ونەر كورسەتىپ, جەڭىس تۇعىرىنان كورىندى.
اتاپ ايتقاندا, ءتورتىنشى كلاستا ونەر كورسەتكەن جەرلەسىمىزتۇرعانبەكوۆ الي كۇمىس جۇلدەگەر اتاندى. ال, نامەتۋللاەۆ ەرسۇلتان توعىزىنشى كلاستا ونەر كورسەتىپ ۇزدىك ۇشتىككە ءىلىنىپ, قولا جۇلدە ەنشىلەدى.
ايتا كەتەيىك, اتالمىش جارىس استانالىق سپورتشىلاردىڭ حالىقارالىق دارەجەدەگى العاشقى جارىسى.
«بۇل مەنىڭ حالىقارالىق دەڭگەيدەگى العاشقى جارىسىم. وتە قۋانىشتىمىن. دايىندىعىم جاقسى بولدى. الداعى ۋاقىتتا بۇدان دا بيىك شىڭداردى ءالى تالاي باعىندىراتىن بولامىز»- دەيدى كۇمىس جۇلدەگەر الي تۇرعانبەكوۆ.
