استانادا تەمىرجول سالاسىندا تاسىمالداۋ قۇجاتتارىن وڭدەۋ جونىندەگى وپەراتور بولىپ ەڭبەك ەتەتىن انەل حاميتوۆا دۋبايدا Middle East سlassical Academy (MECA) ۇلكەن فەستيۆالى شەڭبەرىندە وتكەن حالىقارالىق بايقاۋدا گران-پري جۇلدەسىن جەڭىپ الدى, دەپ حابارلايدى astana-akshamy.kz.
بايقاۋعا قازاقستان, تۇركيا, قىرعىزستان, ارمەنيا, وڭتۇستىك كورەيا جانە باسقا دا ەلدەردىڭ ۇجىمدارى مەن سوليستەرى قاتىستى. ەلىمىزدەن ك.بايسەيىتوۆا اتىنداعى, ا.جۇبانوۆ اتىنداعى مەكتەپتەر, قازۇوۋ, قۇرمانعازى كونسەرۆاتورياسى دا قاتىستى.
انەل ءوزىنىڭ جۇمىسىندا, ۇجىمىندا عانا ەمەس, سونىمەن قاتار اسپاپتا كۇندەلىكتى جاتتىعۋلاردا دا تالانتتى جانە ەڭبەكقور جان ەكەنىن كورسەتىپ كەلەدى. بايقاۋعا ولدميتري شوستاكوۆيچتىڭ «پرەليۋديا» جانە سەرىك ەركىمبەكوۆتىڭ «وتان تاڭى» پەساسىن دايىندادى.
– وسى حالىقارالىق بايقاۋدا ءبىز كاسىبي مۋزىكانتتارمەن تەڭ دارەجەدە جارىسىپ, گران-ءپريدى جەڭىپ الدىق! سكريپكا مەنى شابىتتاندىرادى, جانىمنىڭ ءبىر بولىگى. ول مۋزىكانتتى ءوزى تاڭدايدى, ونى ورتاشا دەڭگەيدە ويناۋ مۇمكىن ەمەس — تەك تالانت پەن شەبەرلىك, سودان كەيىن عانا سكريپكادا ويناۋ تىڭداۋشىعا قۋانىش سىيلايدى, – دەيدى انەل.
