استانانىڭ پەريمەترى بويىنشا ءتۇرلى باعىتتا 8 ستاتسيونارلىق پوليتسيا بەكەتى قويىلدى, دەپ حابارلايدى astana-akshamy.kz
ءتارتىپ ساقشىلارى ازاماتتاردىڭ قۇجاتتارىن تەكسەرەدى.
استانا قالاسىنىڭ پوليتسيا دەپارتامەنتى وكىلدەرىنىڭ ايتۋىنشا, قالادا «قۇقىقتىق ءتارتىپ» جەدەل-پروفيلاكتيكالىق ءىس-شاراسى وتكىزىلىپ جاتىر. ازاماتتاردىڭ قاۋىپسىزدىگىن قامتاماسىز ەتۋ جانە قوعامدىق ءتارتىپتى ساقتاۋ, قىلمىستاردىڭ الدىن الۋ, جولىن كەسۋ ءۇشىن قالا اۋماعىندا قاراعاندى, قوسشى, كوكشەتاۋ, پاۆلودار باعىتتارى بويىنشا 8 «رۋبەج» ستاتسيونارلىق پوليتسيا بەكەتتەرى, سونداي-اق قورعالجىن, تايتوبە, بالقاراعاي, استراحانكا باعىتتارى بويىنشا بەكەتتەر قويىلعان.
«بەكەتتەردە قۇقىق قورعاۋ ورگاندارىنىڭ قىزمەتكەرلەرى ازاماتتاردىڭ قۇجاتتارى مەن اۆتوموبيلدەردى تىيىم سالىنعان زاتتاردىڭ بار-جوعىن تەكسەرەدى. كىرۋ جانە شىعۋ بويىنشا شەكتەۋلەر قاراستىرىلماعان», – دەدى ەلوردالىق پد وكىلدەرى.
