قازاقستان رەسپۋبليكاسىنىڭ كولىك مينيسترلىگى وتاندىق اۋە كومپانيالارىمەن بىرلەسىپ بىرقاتار شارالار قابىلدادى. اتىراۋدان اپتاسىنا ۇشاتىن 73 تۇراقتى رەيستەردىڭ قاتارىنا قازاقستاندىق اۋە كومپانيالار اتىراۋدان استانا, الماتى, اقتاۋ جانە شىمكەنتكە اپتاسىنا 49 رەيس قوسىلدى, دەپ حابارلايدى astana-akshamy.kz.
تاسىمالداۋ سىيىمدىلىعى 72%-عا ۇلعايتىلدى (12 756 ورىننان 21 958 ورىنعا دەيىن). بيىل 9-12 ءساۋىر ارالىعىندا Air Astana, Fly Arystan جانە SCAT اۋە كومپانيالارى قوسىمشا 17 رەيستى ورىندادى (سىيىمدىلىعى 3069 ورىن). بۇگىنگى تاڭدا قازاقستاندىق تاسىمالداۋشىلارمەن اتىراۋدان ۇشاتىن تىكەلەي رەيستەردەگى بارلىق ەكونوم-كلاسس تاريفتەرى ءبىر جاققا شاققاندا 40 مىڭ تەڭگەدەن اسپايتىنى تۋرالى ۋاعدالاستىققا قول جەتكىزىلدى. بۇل تاريفتەر 13-24 ءساۋىر ارالىعىندا قولجەتىمدى بولادى. جولاۋشىلارعا اۋە كومپانيالاردىڭ رەسمي سايتتارىندا اۋە بيلەتتەرىن تەكسەرۋ جانە ساتىپ الۋ ۇسىنىلادى. وتاندىق اۋە كومپانيالارى ەلىمىزدىڭ سۋ تاسقىنىنان زارداپ شەككەن ايماقتارىنا وتەۋسىز نەگىزدە 50 تونناعا جۋىق گۋمانيتارلىق جۇك تاسىمالداعانىن قوسىمشا حابارلايمىز.
