ەلوردا تۇرعىنىنا اۆتوبۋس اينەگىن سىندىرعانى ءۇشىن اكىمشىلىك ايىپپۇل سالىندى, دەپ حابارلايدى astana-akshamy.kz
2024 جىلعى 5 ماۋسىمدا استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى بوتەن مۇلىكتى ءبۇلدىرۋ فاكتىسى بويىنشا ز.-عا قاتىستى ءىستى قارادى (اقبتك 147-1-بابىنىڭ 1-بولىگى).
2024 جىلعى 4 ماۋسىمدا ز. «ازيا پارك» سو جانىندا №32 اۆتوبۋستىڭ اينەگىن سىندىرىپ, بوتەننىڭ مۇلكىنە قاساقانا زاقىم كەلتىرگەن.
سوت وتىرىسىندا ز.-نىڭ كىناسى ءىس ماتەريالدارىمەن, اكىمشىلىك قۇقىق بۇزۋشىلىق تۋرالى حاتتامامەن, پروتسەسكە قاتىسۋشىلاردىڭ ايعاقتارىمەن, پوليتسيا ينسپەكتورىنىڭ باياناتىمەن جانە قۇقىق بۇزۋشىلىق ورىن العان جەردەن تۇسىرىلگەن بەينەجازبامەن راستالدى.
اتالعان باپتىڭ سانكتسياسى 20 اەك مولشەرىندە ايىپپۇل نەمەسە 5-تەن 15 تاۋلىككە دەيىنگى مەرزىمگە اكىمشىلىك قاماققا الۋدى كوزدەيدى.
سوت كىناسىن مويىنداۋدى, اۋىر زارداپتاردىڭ بولماۋىن جانە قۇقىق بۇزۋشىلىقتى العاش رەت جاساعانىن جاۋاپتىلىقتى جەڭىلدەتەتىن ءمان-جاي دەپ تانىدى. جاۋاپتىلىقتى اۋىرلاتاتىن ءمان-جايلار انىقتالعان جوق.
سوت قاۋلىسىمەن ز. اقبتك-ءنىڭ 147-1-بابىنىڭ 1-بولىگى بويىنشا اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ, 20 اەك مولشەرىندە (73 840 تەڭگە) اكىمشىلىك ايىپپۇل سالىندى.
قاۋلى زاڭدى كۇشىنە ەنگەن جوق.
سۋرەت: https://www.the-warsaw.com
